សេអ៊ូល៖ ប្រទេសកូរ៉េខាងត្បូង នៅថ្ងៃពុធនេះបានស្នើ កញ្ចប់ថវិកាបន្ថែមជិត ១២ទ្រីលានវ៉ុន ជិត ១០ពាន់លានដុល្លារ ដើម្បីជួយដោះស្រាយ ឱ្យកាន់តែប្រសើរឡើងនូវវីរុសថ្មី និងកាត់បន្ថយការថយចុះសេដ្ឋកិច្ច ពីការផ្ទុះឡើងនៃវីរុសនៅទីនេះ។
សេចក្តីព្រាងច្បាប់ថវិកាបន្ថែមសម្រាប់ ១១,៧ពាន់ពាន់លានវ៉ុន (៩,៨២ ពាន់លានដុល្លារ) ដែលនឹងត្រូវដាក់ជូនរដ្ឋសភា សម្រាប់ការអនុម័តនៅថ្ងៃព្រហស្បតិ៍ គឺជាច្បាប់ថវិកាបន្ថែមធំបំផុតមិនធ្លាប់មានរបស់ប្រទេស ដើម្បីដោះស្រាយការធ្លាក់ចុះនៃជំងឺឆ្លង។
ក្នុងឆ្នាំ២០០៣ ប្រទេសនេះ បានត្រៀមថវិកាចំនួន ៤,២ពាន់ពាន់លានវ៉ុន បន្ថែមទៀតនៅពេលប្រឈមមុខនឹងការផ្ទុះឡើងនៃជំងឺ SARS ហើយបន្ទាប់មកចំនួន ១១,៦ពាន់ពាន់លានវ៉ុនក្នុងឆ្នាំ ២០១៥ ដើម្បីត្រៀមសម្រាប់ជំងឺ MERS ៕
ដោយ ឈូក បូរ៉ា
