សេអ៊ូល៖ មន្រ្តីក្រសួងបង្រួបបង្រួម បានឲ្យដឹងថា ប្រទេសកូរ៉េខាងជើង ហាក់ដូចជាបានបង្កើត នាយកដ្ឋានក្រសួងការបរទេសថ្មី ដែលមានភារកិច្ចដោះស្រាយ ការចរចាជាមួយសហរដ្ឋអាមេរិកបន្ទាប់ពីប្រធានការិយាល័យ បង្រួបបង្រួមជាតិ បានចេញសេចក្តីថ្លែងការណ៍មួយ ដែលបានស្តីបន្ទោសសហរដ្ឋអាមេរិក នៅថ្ងៃមុន។
កាលពីថ្ងៃច័ន្ទ អគ្គនាយកថ្មីនៃក្រសួងការបរទេស កូរ៉េខាងជើង សម្រាប់ការចរចា ជាមួយសហរដ្ឋអាមេរិក បានចេញសេចក្តីថ្លែងការណ៍មួយរិះគន់លោក Mike Pompeo រដ្ឋមន្រ្តីការបរទេសសហរដ្ឋអាមេរិក ចំពោះការព្យាយាមរក្សាទណ្ឌកម្ម លើកូរ៉េខាងជើង។
មន្ត្រីដែលមិនបញ្ចេញឈ្មោះ បានលេីកឡេីងផងដែរថា ប្រទេសកូរ៉េខាងជើង បានបាត់បង់ចំណាប់អារម្មណ៍ ក្នុងការសន្ទនាហើយនឹងដើរតាមផ្លូវរបស់ខ្លួនផ្ទាល់។
ការរំពឹងទុកបានកើតឡើង ចាប់តាំងពីនាយកដ្ឋាននេះ ត្រូវបានបង្កើតថ្មីចាប់តាំងពីវាមិនត្រូវបាន គេចុះផ្សាយនៅក្នុងប្រព័ន្ធផ្សព្វផ្សាយ របស់កូរ៉េខាងជើងពីមុនមក។ គួរបញ្ជាក់ថា ក្រសួងការបរទេសកូរ៉េខាងជើង មាននាយកដ្ឋានគ្រប់គ្រង កិច្ចការអាមេរិក-កូរ៉េខាងជើងទាំងស្រុង៕
ដោយ ឈូក បូរ៉ា
