វ៉ាស៊ីនតោន៖ ដោយសារជំងឺរាតត្បាត ឆ្លងរាលដាលខ្លាំងប៉ះពាល់ដល់ស្ទើរតែគ្រប់ផ្នែក នៃជីវិតរបស់ប្រជាជន លោកប្រធានាធិបតី ដូណាល់ ត្រាំ នៅតែបន្តប្រឈមមុខ នឹងការសាកល្បងភាពជាអ្នកដឹកនាំ ដ៏សំខាន់មួយ នៅពេលដែលលោក ជំរុញឱ្យបើកដំណើរការ សេដ្ឋកិច្ចរបស់សហរដ្ឋអាមេរិក ដែលត្រូវបានបិទ នៅមុនការបោះឆ្នោត ខែវិច្ឆិកា។
កាលពីថ្ងៃព្រហស្បតិ៍លោក ត្រាំ បានគូសបញ្ជាក់ ពីដំណើរការ ៣ ដំណាក់កាលសម្រាប់ ការបន្ធូរបន្ថយការដាក់កម្រិតលើបុគ្គល និងអាជីវកម្ម ដើម្បីទប់ស្កាត់ការរីករាលដាល នៃមេរោគឆ្លងកូវីដ-១៩ ដោយថាលោករំពឹងថា យ៉ាងហោចណាស់ផ្នែកខ្លះនៃប្រទេស នឹងវិលត្រឡប់មកធ្វើការវិញ ក្នុងពេលឆាប់ៗនេះ។
លោក Paul Saunders សមាជិកជាន់ខ្ពស់ នៅមជ្ឈមណ្ឌលផលប្រយោជន៍ជាតិ ទីក្រុងវ៉ាស៊ីនតោន បានលេីកឡេីងថាការបើកប្រទេសឡើងវិញ គឺជាសកម្មភាព ដ៏មានឥទ្ធិពលខ្លាំង សម្រាប់ការបោះឆ្នោត ខណៈទស្សនវិស័យសេដ្ឋកិច្ច នៅរដូវស្លឹកឈើជ្រុះនេះ ទំនងជាកត្តាសម្រេចចិត្ត ក្នុងការដេញថ្លៃការបោះឆ្នោតឡើងវិញ របស់លោក ត្រាំ៕
ដោយ ឈូក បូរ៉ា
