ហុងកុង៖ ប៉ូលីសហុងកុងបានឲ្យដឹងថា មនុស្សប្រហែល ២៣០ នាក់ត្រូវបានចាប់ខ្លួនពីបទចូលរួមបាតុកម្មប្រឆាំង នឹងរដ្ឋាភិបាល កាលពីថ្ងៃអាទិត្យ នៅទូទាំងទឹកដីហុងកុង នេះបេីយោងតាមការចុះផ្សាយ របស់ទីភ្នាក់ងារសារព័ត៌មាន ក្យូដូជប៉ុន។
ជនដែលត្រូវចាប់ខ្លួន ដែលមានអាយុចន្លោះពី ១២ ទៅ ៦៥ ឆ្នាំត្រូវបានចោទប្រកាន់ពីបទប្រមូលផ្តុំដោយខុសច្បាប់ និងបទឧក្រិដ្ឋផ្សេងៗទៀត រួមទាំងមានអាវុធមានថ្នាំ មានបញ្ហាសណ្តាប់ធ្នាប់សាធារណៈ វាយប្រហារប៉ូលីស ឬខកខានមិនបានបង្ហាញអត្តសញ្ញាណ។
មនុស្ស ១៩ នាក់ផ្សេងទៀតត្រូវបាន ពិន័យជាប្រាក់ចំពោះការ រំលោភបំពានលើវិធានការណ៍ឃ្លាតឆ្ងាយ ពីសង្គមក្នុងការប្រយុទ្ធប្រឆាំងនឹង ការឆ្លងរាតត្បាតជំងឺឆ្លង ដែលកំណត់ចំនួនមនុស្ស ប្រមូលផ្តុំនៅទីសាធារណៈដល់ ៨ នាក់ ឬតិចជាងនេះ៕
ដោយ ឈូក បូរ៉ា
