សនិ្នសីទសាព័ត៌មាន ស្តីពីការងារបង្ការ និងគ្រប់គ្រងជំងឺកូវីដ១៩ នៃក្រុងប៉េកាំង ដែលបើកធ្វើនៅយប់ថ្ងៃទី១៦ ខែមិថុនាបានប្រកាសថា ចាប់ពីថ្ងៃទី១៦ ខែមិថុនាតទៅ នឹងលើកខ្ពស់កម្រិតប្រតិកម្ម សុខាភិបាលសាធារណៈជាបន្ទាន់ នៃក្រុងប៉េកាំងពីថ្នាក់ទី៣ដល់ថ្នាក់ទី២ ប្រការនេះបានបង្ហញថា ក្រុងប៉េកាំងបានឈាន ចូលគ្រាអាសន្ន ។
ដោយមកពីអ្នកជំងឺកូវីដ១៩ ដែលបានរកឃើញនៅក្រុងប៉េកាំង ក្នុងប៉ុន្មានថ្ងៃកន្លងទៅនេះ សុទ្ធតែពាក់ព័្ធនឹងទីផ្សារស៊ីនហ្វាទី ដូច្នេះហើយបានជារដ្ឋបាល ក្រុងប៉េកាំងបានចំណាត់ការគ្រប់គ្រង ដោយបំបិទភ្លាមចំពោះទីផ្សារស៊ីនហ្វាទី និងសហគមន៍ពាក់ព័ន្ធនៅជុំវិញ បានធ្វើតេស្តរកវីរុសចំពោះអ្នកក្រុងចំនួន ៩ម៉ឺននាក់ ព្រមទាំងបានកំចាត់មេរោគនៅបរិវេណសហគមន៍ផងដែរ ។ ព្រមជាមួយគ្នានេះ ក្រុងប៉េកាំងបានកំចាត់មេរោគ នៅទីផ្សារលក់កសិផលចំនួន ២៧៦កន្លែង និងភោជ្ជនីយដ្ឋានចំនួន ៣៣១៧៣កន្លែង បច្ចុប្បន្ន ទីផ្សារលក់ដូរកសិផលផ្សេងទៀត និងមុខរបរភោជ្ជនីយដ្ឋានបានធ្វើអាជីវកម្មឡើងវិញ ជាប្រក្រតីហើយ ។
ក្រៅពីនេះ ក្រុងប៉េកាំងបានបង្កើនវិធានការបង្ការ និងគ្រប់គ្រងមួយចំនួនលើវិស័យ ការធ្វើដំណើរ ការចូលរៀននិងប្រកបការងារជាដើម ដូចជាត្រួតពិនិត្យ និងបង្ការរោគយ៉ាងតឹងរ៉ឹងចំពោះចំណីអាហារ នាំចូលពីបរទេស ហាមមិនឱ្យអ្នកក្រុងដែលស្នាក់នៅ សហគមន៍មានហានិភ័យខ្ពស់ និងមធ្យមឬពាក់ព័ន្ធនឹងទីផ្សារស៊ីនហ្វាទី ចេញពីក្រុងប៉េកាំង រៀបចំឡើងវិញនូវ ការគ្រប់គ្រងចេញចូល នៅសហគមន៍ទាំងអស់ រៀបចំឡើងវិញនូវ ការរៀនតាមបណ្តាញអ៊ីនធឺណែត របស់សិស្សានុសិស្ស និស្សិតសកលវិទ្យាល័យបញ្ឈប់ ការត្រឡប់ទៅសាលាវិញ លើកទឹកចិត្តឱ្យអ្នកក្រុងធ្វើការងារក្នុងផ្ទះ ហើយនិងរក្សាគម្លាតក្នុងទំនាក់ទំនង សង្គមលើសពីមួយម៉ែត្រជាដើម ។
ដើម្បីធានាជាក់លាក់ដល់ សុវត្ថិភាពអាយុជីវិត និងសុខភាពរបស់ប្រជាពលរដ្ឋ ក៏ដូចជាធានាជាក់លាក់ដល់សុវត្ថិភាព នៃរដ្ឋធានីក្រុងប៉េកាំង រដ្ឋបាលក្រុងប៉េកាំងបានចាត់វិធានការដាច់ខាតបំផុតនិងតឹងរ៉ឹងបំផុត ។ ពិតមែនតែបើធៀននឹង តួលេខករណីថ្មីរាប់រយ ឬរាប់ពាន់ករណីដែល ប្រទេសផ្សេងទៀតបាន រាយការណ៍ជារៀងរាល់ថ្ងៃ តួលេខករណីថ្មីនៃក្រុងប៉េកាំងមិនសូវច្រើននោះទេ ប៉ុន្តែការផ្ទុះករណីជាថ្មីឡើងវិញនៅក្រុងប៉េកាំង ធ្វើឱ្យយើងកាន់តែយល់ដឹង ពីលក្ខណៈស្មុគស្មាញ ភាពលំបាកលំបិន និងរយៈពេលយូរនៃការងារបង្ការនិងគ្រប់គ្រងជំងឺឆ្លង ដូច្នេះហើយបានជា មនុស្សយើងគ្រប់រូបត្រូវគោរព វិធានការបង្ការ និងគ្រប់គ្រងយ៉ាងម៉ឹងម៉ាត់ ហើយជឿជាក់ថា ក្រុងប៉េកាំងពិតជានឹងទប់ស្កាត់ការរីករាលដាល ជំងឺឆ្លងក្នុងពេលឆាប់ៗ ក៏ដូចជាបង្ការនិងគ្រប់គ្រងជំងឺឆ្លងដោយ ប្រាកដប្រជាផងដែរ !
