ញូដេលី៖ សហរដ្ឋអាមេរិកនៅថ្ងៃសុក្រនេះ បានចូលរួមរំលែកទុក្ខចំពោះ ការស្លាប់របស់ទាហានឥណ្ឌា ដែលត្រូវបានសម្លាប់ដោយការ ប្រឈមមុខដាក់គ្នាយ៉ាងឃោរឃៅ ជាមួយកងទ័ពចិន នៅភាគខាងកើតតំបន់ Ladakh ហើយអាមេរិកបាននិយាយថា ភាពក្លាហានរបស់ពួកគេ នឹងមិនត្រូវបានគេបំភ្លេចឡើយ ។
យោងតាមសារព័ត៌មាន THE TIME OF INDIA ចេញផ្សាយនៅថ្ងៃទី១៩ ខែមិថុនា ឆ្នាំ២០២០ បានឱ្យដឹងថា ឯកអគ្គរដ្ឋទូតសហរដ្ឋអាមេរិក ប្រចាំនៅប្រទេសឥណ្ឌា បានផ្ញើសារចូលរួមរំលែកទុក្ខ អស់ពីដួងចិត្តដល់ក្រុមគ្រួសារ របស់ទាហានដែលបានបាត់បង់នៅ Galwan។ ភាពអង់អាច និងភាពក្លាហានរបស់ពួកគេ នឹងមិនត្រូវបានគេបំភ្លេចឡើយ។
ចំណែកឯកអគ្គរដ្ឋទូតបារាំងប្រចាំឥណ្ឌា លោក Emmanuel Lenain ក៏បានចូលរួមរំលែកទុក្ខដល់ឥណ្ឌា ជុំវិញការស្លាប់របស់ ទាហានឥណ្ឌានេះដែរ។
លោក Lenain បានសរសេរក្នុងសារធ្វីតថា“ ការចូលរួមរំលែកទុក្ខដ៏ស្មោះអស់ ពីចិត្តចំពោះប្រជាជនឥណ្ឌា និងគំនិតរបស់យើងចំពោះ ក្រុមគ្រួសារនៃទាហានឥណ្ឌា ដែលកំពុងកាន់ទុក្ខដែលបាន លះបង់ជីវិតរបស់ពួកគេ ក្នុងពេលកំពុងបំពេញកាតព្វកិច្ច ក្នុងពេលពីរបីថ្ងៃកន្លងមកនេះ” ។
សូមជម្រាបថា បុគ្គលិកកងទ័ពឥណ្ឌាចំនួន ២០ នាក់រួមទាំងវរសេនីយ៍ឯក ម្នាក់ត្រូវបានសម្លាប់នៅក្នុង ការប៉ះទង្គិចគ្នាជាមួយកងទ័ពចិន នៅជ្រលងភ្នំហ្គាវ៉ាន់ កាលពីយប់ថ្ងៃចន្ទ ដែលជាការប៉ះទង្គិច ផ្នែកយោធាធំបំផុត។ ការប្រឈមមុខដាក់គ្នា ក្នុងរយៈពេលជាងប្រាំទសវត្សរ៍ ដែលបានបង្កើនការប្រឈមមុខ នឹងព្រំដែនដែលងាយនឹង បង្កជាហេតុនៅក្នុងតំបន់ ៕
ប្រែសម្រួលៈ ណៃ តុលា
