បរទេស៖ រដ្ឋាភិបាលឥណ្ឌាបានបាញ់ការព្រមាន កាលពីថ្ងៃព្រហស្បតិ៍ដោយបានបញ្ចប់កិច្ចសន្យាផ្លូវដែកតម្លៃ ៦២,៨ លានដុល្លារជាមួយក្រុមហ៊ុនរបស់ចិន ឈ្មោះ Beijing Signaling & Telecommunication ដែលជាជំហានសងសឹកដំបូងប្រឆាំងនឹងប្រទេសចិន បន្ទាប់ពីការស្លាប់ទាហានឥណ្ឌា ២០ នាក់នៅក្នុងការប៉ះទង្គិចនៅជ្រលងភ្នំហ្គាវ៉ាន។
យោងតាមសារព័ត៌មាន Sputnik ចេញផ្សាយនៅថ្ងៃទី២០ ខែមិថុនា ឆ្នាំ២០២០ បានឱ្យដឹងថា រដ្ឋមន្រ្តីជាន់ខ្ពស់នៃរដ្ឋាភិបាលឥណ្ឌា លោក Harsh Vardhan បានហៅសេចក្តីសំរេចនេះថា ជា“ ការសងសឹកដំបូងដើម្បីបង្រៀនមេរៀន” ហើយបាននិយាយថា វាជាជំហានឆ្ពោះទៅរកការធានាការប្រើប្រាស់ ផលិតផលឥណ្ឌាគ្រប់ទីកន្លែង។ នៅសប្តាហ៍ក្រោយ ក្រសួងទូរគមនាគមន៍ឥណ្ឌា គ្រោងនឹងជួបប្រជុំជាមួយអ្នកឧស្សាហកម្មបន្ទាប់ពីបានណែនាំដល់សហគ្រាសទូរគមនាគមន៍ ដែលគ្រប់គ្រងដោយរដ្ឋ គឺ BSNL និង MTNL, មិនឱ្យប្រើប្រាស់ឧបករណ៍ចិននៅក្នុងការធ្វើឱ្យប្រសើរឡើងនូវប្រព័ន្ធ 4G ។
ពាណិជ្ជករ ៧០ លាននាក់របស់ប្រទេសនេះ ស្ថិតនៅក្រោមឆ័ត្រសហព័ន្ធពាណិជ្ជករឥណ្ឌាទាំងអស់ ក៏បានធ្វើការអំពាវនាវជាសាធារណៈដើម្បីជំនួសការនាំចូលរបស់ចិនដែលមានតម្លៃ ១៣ ពាន់លានដុល្លារត្រឹមខែធ្នូឆ្នាំ ២០២១ ជាមួយនឹងទំនិញឥណ្ឌាវិញ។
ទំនាក់ទំនងពាណិជ្ជកម្មឥណ្ឌា – ចិន
ពាណិជ្ជកម្មទ្វេភាគីរវាងឥណ្ឌានិងចិន គឺបានកើនឡើងដល់ ៨៧ ពាន់លានដុល្លារក្នុងឆ្នាំហិរញ្ញវត្ថុ ២០១៨-១៩ នេះបើយោងតាមក្រសួងជំនួញ និងពាណិជ្ជកម្មឥណ្ឌា។ ទោះយ៉ាងណា វាត្រូវបានគេមើលរំលងយ៉ាងខ្លាំងចំពោះ ប្រទេសចិនដោយឱនភាពពាណិជ្ជកម្មរបស់ប្រទេសឥណ្ឌាមានចំនួនជាង ៥០ ពាន់លានដុល្លារជាប់ៗគ្នានៅចន្លោះឆ្នាំ ២០១៦ និង ២០១៩ ។
ការនាំចូលសំខាន់ៗមួយចំនួនរបស់ឥណ្ឌាពីប្រទេសចិន ចន្លោះខែមេសាឆ្នាំ ២០១៩ ដល់ខែកុម្ភៈឆ្នាំ ២០២០ មានឧបករណ៍អគ្គិសនីមានតម្លៃ ១៨,១១ ពាន់លានដុល្លារ, គ្រឿងម៉ាស៊ីនធុនធ្ងន់ និងគ្រឿងប្រើប្រាស់ (១២,៧៨ ពាន់លានដុល្លារ) សារធាតុគីមីសរីរាង្គ (៧.៥៣ ពាន់លានដុល្លារ) និងទំនិញប្លាស្ទិកនិងជីគីមី។ យោងតាមទិន្នន័យរបស់ក្រសួង៕
ប្រែសម្រួលៈ ណៃ តុលា
