បរទេស៖ នៅក្នុងសកម្មភាពស្រដៀងគ្នានេះ រដ្ឋបាលប្រធានាធិបតីអាមេរិក ដូណាល់ត្រាំ ថ្មីៗនេះបានអនុម័តផែនការ ដកកងទ័ពអាមេរិកចំនួន ៩.៥០០ នាក់ពីប្រទេសអាល្លឺម៉ង់ ដែលជាមូលដ្ឋានកងទ័ព អាមេរិក ដ៏សំខាន់មួយនៅអឺរ៉ុប ដោយលើកហេតុផលថា រដ្ឋាភិបាលទីក្រុងប៊ែកឡាំង ខកខានមិនបានបំពេញ កាតព្វកិច្ចចំណាយទៅលើផ្នែកយោធារបស់ខ្លួន ក្នុងនាមជាដៃគូរបស់ អង្គការណាតូ។
យោងតាមសារព័ត៌មាន Sputnik ចេញផ្សាយនៅថ្ងៃទី១៧ ខែកក្កដា ឆ្នាំ២០២០ បានឱ្យដឹងថា ក្រសួងការពារជាតិអាមេរិក បានបង្ហាញរដ្ឋបាលរបស់ប្រធានាធិបតី អាមេរិកដូណាល់ត្រាំ នូវជម្រើសដើម្បីកាត់បន្ថយ វត្តមានយោធាអាមេរិក នៅកូរ៉េខាងត្បូង បន្ទាប់ពីការទាមទាររបស់លោក ដូណាល់ ត្រាំ សម្រាប់ទីក្រុង សេអ៊ូល ឱ្យបង្កើនការចំណាយយ៉ាងច្រើន ដល់ក្រុងវ៉ាស៊ីនតោន សម្រាប់កងទ័ពអាមេរិក ដែលឈរជើងនៅក្នុងប្រទេសនេះ ។ នេះបើតាមការចេញផ្សាយ របស់កាសែត The Wall Street Journa នៅថ្ងៃសុក្រ ដោយដកស្រង់សំដី មន្ត្រីមន្ទីរបញ្ចកោណមួយរូប ។
មន្រ្តីយោធាអាមេរិក បាននិយាយថា បុគ្គលិករួមរបស់ក្រសួងការពារជាតិអាមេរិក បានពិនិត្យឡើងវិញ នូវការកាត់បន្ថយ នៃកងទ័ពអាមេរិក ២៨.៥០០ នាក់ដែលបានដាក់ពង្រាយ នៅកូរ៉េខាងត្បូង ដែលជាសម្ព័ន្ធមិត្តយោធាអាមេរិក ចាប់តាំងពីសង្គ្រាមកូរ៉េក្នុងទសវត្សឆ្នាំ ១៩៥០ ដែលជាផ្នែកមួយនៃផែនការ ទូលំទូលាយសម្រាប់ការកំណត់ទីតាំង និងការកាត់បន្ថយការដាក់ពង្រាយ នៅទូទាំងពិភពលោក ។
យោងតាមច្រកចេញនេះ មន្ត្រីរដ្ឋបាលរបស់លោក ដូណាល់ ត្រាំ បានបដិសេធមិនផ្តល់ព័ត៌មាន លម្អិតស្តីពីផែនការកាត់បន្ថយកងទ័ព នៅក្នុងប្រទេសអាស៊ីបូព៌ាឡើយ ដោយនិយាយថា គ្មានការសម្រេចចិត្ត កាត់បន្ថយវត្តមាន យោធារបស់ខ្លួនទេ៕
ប្រែសម្រួលៈ ណៃ តុលា
