អាមេរិកធ្វើសមយុទ្ធ ជាមួយនាវាដឹកយន្តហោះ នៅសមុទ្រចិនខាងត្បូង ខណៈចិនធ្វើសមយុទ្ធបាញ់គ្រាប់ពិត ប្រឆាំងនាវាចម្បាំង នៅក្បែរនោះ

បរទេស៖ នៅពេលក្រុមនាវា ដឹកយន្តហោះអាមេរិកចំនួន ២ ក្រុមបានធ្វើសមយុទ្ធ នៅសមុទ្រចិនខាងត្បូង កាលពីសប្តាហ៍មុន កងទ័ពអាកាសរបស់ កងទ័ពរំដោះប្រជាជនចិន (PLAAF) បានធ្វើសមយុទ្ធវាយប្រហារប្រឆាំង នឹងនាវានៅក្បែរនោះផងដែរ ។

យោងតាមសារព័ត៌មាន Sputnik ចេញផ្សាយនៅថ្ងៃទី២១ ខែកក្កដា ឆ្នាំ២០២០ បានឱ្យដឹងថា អស់រយៈពេលជាច្រើនសប្តាហ៍ នាវាដឹកយន្តហោះអាមេរិក ជាច្រើនបានធ្វើសមយុទ្ធ នៅដែនទឹកក្បែរប្រទេសចិន រួមទាំងនៅសមុទ្រហ្វីលីពីន និងសមុទ្រចិនខាងត្បូង។

ទោះយ៉ាងណាកាលពីសប្តាហ៍មុន កងកម្លាំងចិនបានសម្រេចចិត្ត ធ្វើសមយុទ្ធផ្ទាល់ខ្លួនដោយ ធ្វើសមយុទ្ធបាញ់គ្រាប់ពិតដែលក្នុងនោះ យន្ដហោះរបស់ PLAAF បានហាត់សមពីរបៀបដែលពួកគេ នឹងធ្វើការវាយប្រហារប្រឆាំងនឹង នាវាចម្បាំងរបស់សត្រូវនៅក្នុងតំបន់។

សារព័ត៌មាន Global Times បានដកស្រង់ប្រភពពីវិទ្យុជាតិ របស់ចិនដែលសមយុទ្ធ ធ្វើឡើងកាលពីថ្ងៃទី១៥ និង១៦ខែកក្កដាថា សមយុទ្ធនោះ មានការចូលរួមពី យន្តហោះចម្បាំងប្រភេទ JH-7A និងយន្តហោះចម្បាំង J-16B ដែលបាញ់មីស៊ីលសរុបបានជាង ៣ ០០០គ្រាប់ ។

ចំណែកខាងអាមេរិកវិញ ក្រៅពីនាវាផ្ទុកយន្តហោះចម្បាំង របស់នាវាដឹកកងទ័ពជើងទឹកអាមេរិក USS Nimitz និង USS Ronald Reagan , នាវាពិឃាត USS Ralph Johnson បានធ្វើសកម្មភាពដែល នៅតែបង្កហេតុនៅថ្ងៃទី ១៤ ខែកក្កដាមួយថ្ងៃមុនពេល សមយុទ្ធចិនចាប់ផ្តើម ដែលហៅថា“ សេរីភាពក្នុងការធ្វើនាវាចរណ៍” (FONOP) ។

ប្រតិបត្តិការរុករក” (FONOP) ។ នាវាចម្បាំងបានបើកចូលទៅ ក្នុងដែនទឹកជុំវិញប្រជុំកោះ Spratly ដែលត្រូវបានទាមទារ ដោយប្រទេសចិនជាផ្នែក នៃទឹកដីរបស់ខ្លួនក្នុងចេតនាមួយ ដើម្បីបង្វែរការទាមទាររបស់ចិន ៕

ប្រែសម្រួលៈ ណៃ តុលា