Covid-19

ប្រេស៊ីល មានអ្នកស្លាប់ដោយជំងឺកូវីដ១៩ លើសពី ៩៨.០០០នាក់

សៅប៉ូឡូ៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី៧ ខែសីហា ឆ្នាំ២០២០ថា ប្រេស៊ីល ត្រូវបានគេរាយការណ៍ កាលពីថ្ងៃព្រហស្បតិ៍ថា មានអ្នកស្លាប់ថ្មីចំនួន ១.២៣៧នាក់ ដោយសារជំងឺកូវីដ១៩ គិតក្នុងរយៈពេល ២៤ម៉ោងកន្លងទៅនេះ ដែលនាំឲ្យចំនួនអ្នកស្លាប់នៅទូទាំងប្រទេសកើនឡើងដល់ ៩៨.៤៩៣នាក់ ។

ក្រសួងសុខាភិបាលបានឲ្យដឹងថា ការធ្វើតេស្តក៏បានរកឃើញថា មានករណីថ្មីចំនួន៥៣.១៣៩នាក់ ដែលនាំឲ្យចំនួនអ្នកឆ្លងជំងឺ សរុបកើនឡើងដល់ ២.៩១២.២១២នាក់ ។

សរុបអ្នកជាសះស្បើយ ពីជំងឺមានចំនួន ២.០៤៧.៦៦០នាក់ ។

រដ្ឋសៅប៉ូឡូ ជាទីក្រុងដែលមានពលរដ្ឋ រស់នៅច្រើនជាងគេ ហើយជាកន្លែងដែល មានអ្នកឆ្លងជំងឺច្រើនជាងគេបំផុតដល់ទៅ ៥៩៨.៦៧០នាក់ និងស្លាប់អស់ ២៤.៤៤៨នាក់ ៕

ប្រែសម្រួលដោយ៖ ម៉ៅ បុប្ផាមករា

To Top
×