បរទេស៖ នៅថ្ងៃសៅរ៍នេះសារព័ត៌មាន Daily Telegraph បានចេញផ្សាយថា ប្រទេសអ៊ីរ៉ង់ បានបើកភ្លើងខៀវឲ្យក្រុមអ្នកអង្កេតការណ៍ នៃអង្គការសហប្រជាជាតិដើម្បីទៅត្រួតពិនិត្យដល់ទីតាំងនុយក្លេអ៊ែរ ចំនួនពីរដែលជាផ្នែកមួយនៃការព្យាយាមការទូតរបស់ខ្លួនដើម្បីឱ្យមានការបញ្ចប់ទៅ នៃការហាមឃាត់ជួញដូរអាវុធពីសំណាក់អន្តរជាតិប្រឆាំងនឹងក្រុងតេហរ៉ង់។
ទីភ្នាក់ងារថាមពលបរមាណូអន្តរជាតិឬហៅកាត់ថា IAEA ដែលជាស្ថាប័នឧបត្ថម្ភដោយអង្គការសហប្រជាជាតិ ទទួលបន្ទុកតាមដានសកម្មភាពនុយក្លេអ៊ែរអ៊ីរ៉ង់ កន្លងមកបានធ្វើការរិះគន់យ៉ាងខ្លាំង ចំពោះរបបអ៊ីរ៉ង់ចំពោះការបដិសេធ មិនសហការជាមួយក្រុមការងារអធិការកិច្ចលើការអះអាងថាខ្លួនបាន ធ្វើសកម្មភាពខុសច្បាប់នៅឯរោងចក្រនុយក្លេអ៊ែរចំនួនពីរ។
IAEA ក៏បានចាត់វិធានការដែលមិនធ្លាប់ មានពីមុនមកនៅដើមឆ្នាំនេះនៃការចេញរបាយការណ៍ពិសេសស្តីពីការស្តីបន្ទោស អ៊ីរ៉ង់ ចំពោះការមិនសហការរបស់ខ្លួនលើបញ្ហានុយក្លេអ៊ែរសំខាន់ៗមួយចំនួន និងបានបដិសេធក្រុមអធិការកិច្ចមិនឱ្យដំឡើងនុយក្លេអ៊ែរអ៊ីរ៉ង់សំខាន់ទាំងពីរនោះ៕
ប្រែសម្រួល៖ស៊ុនលី
![](https://dap-news.com/wp-content/uploads/2020/08/1-1.png)