ម៉ានីល៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី២៥ ខែសីហា ឆ្នាំ២០២០ថា ចំនួនអ្នកឆ្លងជំងឺកូវីដ១៩នៅក្នុងប្រទេសហ្វីលីពីន បានកើនឡើងដល់១៩៧.១៦៤នាក់ បន្ទាប់ពីនាយកដ្ឋានសុខាភិបាល បានរាយការណ៍ថា មានករណីថ្មីប្រចាំថ្ងៃចំនួន២.៩៦៥នាក់ គិតត្រឹមថ្ងៃអង្គារនេះ ។
នាយកដ្ឋានបានឲ្យដឹងថា ចំនួនអ្នកជាសះស្បើយពីជំងឺ បានកើនឡើងដល់១៣២.៣៩៦នាក់ បន្ទាប់ពីនាយកដ្ឋានបានរាយការណ៍ថា មានអ្នកជំងឺបន្ថែមទៀត ចំនួន៣៦៨នាក់ បានរួចពីសេចក្តីស្លាប់ដោយសារជំងឺនេះ ។
នាយកដ្ឋានបានបន្ថែមថា ចំនួនអ្នកស្លាប់ ដោយសារជំងឺក៏បានកើនឡើងដល់៣.០៣៨នាក់ បន្ទាប់ពីមានអ្នកជំងឺបន្ថែមទៀតចំនួន៣៤នាក់ ដែលបានស្លាប់ដោយសារវីរុសបង្កជំងឺ ៕
ប្រែសម្រួលដោយ៖ ម៉ៅ បុប្ផាមករា
