វ៉ាស៊ីនតោន៖ រដ្ឋមន្រ្តីការបរទេស សហរដ្ឋអាមេរិកលោក Mike Pompeo បានកោតសរសើរ ដល់ប្រធានាធិបតីសហរដ្ឋអាមេរិក លោក ដូណាល់ ត្រាំ ចំពោះការការពារកូរ៉េខាងជើង ពីការធ្វើតេស្តនុយក្លេអ៊ែរ និងមីស៊ីលរយៈចម្ងាយឆ្ងាយបន្ថែមទៀត ខណៈដែលនាំជនជាតិអាមេរិក ត្រឡប់មកផ្ទះវិញ ពីការចាប់ធ្វើជាចំណាប់ខ្មាំង នៅក្នុងរដ្ឋកុម្មុយនិស្តមួយនេះ។
អ្នកការទូតកំពូល របស់សហរដ្ឋអាមេរិក បានធ្វើការកត់សម្គាល់ ក្នុងអំឡុងពេលមានវត្តមានដ៏កម្រ និងមានការរិះគន់យ៉ាងខ្លាំង នៅក្នុងសន្និបាតជាតិ របស់គណបក្សសាធារណរដ្ឋ ដែលផ្តល់ការគាំទ្រ យ៉ាងពេញទំហឹងដល់លោក ត្រាំ។
លោក Pompeo បានប្រាប់សន្និបាត នៅក្នុងខ្សែវីដេអូពីទីក្រុងយេរ៉ូសាឡឹមថា “ខ្ញុំមានការងារធំមួយ ហើយពាក់ព័ន្ធនឹងបញ្ហាសន្ដិសុខ គឺអរគុណដល់លោកប្រធានាធិបតី ត្រាំ ដែលបានដាក់ឲ្យអនុវត្ដ គោលនយោបាយអាមេរិកដំបូង យ៉ាងមានប្រសិទ្ធភាព”៕ ដោយ៖ ឈូក បូរ៉ា
