Covid-19

ចំនួនអ្នកស្លាប់ដោយសារជំងឺកូវីដ-១៩ នៅទូទាំងពិភពលោក កើនឡើងដល់ជាង ១លាននាក់

ញូវយ៉ក៖ ចំនួនអ្នកស្លាប់ដោយសារជមងឺរាតត្បាតកូវីដ-១៩ នៅទូទាំងពិភពលោក បានកើនឡើងដល់ជាង ១ លាននាក់ហើយ កាលពីថ្ងៃច័ន្ទ នេះបើយោងតាមមជ្ឈមណ្ឌលវិទ្យាសាស្ត្រ និងវិស្វកម្ម (CSSE) នៅសាកលវិទ្យាល័យ Johns Hopkins ។

ចំនួនអ្នកស្លាប់ទូទាំងពិភពលោក បានកើនឡើងដល់ ១.០០០.៥៥៥ នាក់ដែលមានករណីសរុបជាង ៣៣,២ លានករណីនៅទូទាំងពិភពលោក គិតត្រឹមម៉ោង ៨និង ២៣ នាទីនេះបើយោងតាមទិន្នន័យពី CSSE បានបង្ហាញ។

សហរដ្ឋអាមេរិក នៅតែជាប្រទេសដែលរងគ្រោះខ្លាំងជាងគេ ដោយមានករណីចំនួន ៧.១៤៧.២៤១ ករណី និងចំនួនមនុស្សស្លាប់ ២០៥.០៣១ នាក់ដែលស្មើនឹងជាង ២០ ភាគរយនៃចំនួនអ្នកស្លាប់ នៅទូទាំងពិភពលោក។

ប្រេស៊ីលកត់ត្រាការស្លាប់ចំនួន ១៤២.០៥៨ នាក់ដែលជាលំដាប់លេខ២ បើប្រៀបនឹងចំនួនអ្នកស្លាប់របស់សហរដ្ឋអាមេរិក។ នៅក្នុងនោះដែរប្រទេស ឥណ្ឌាមានអ្នកស្លាប់ធំជាងគេទី ៣ លើពិភពលោក ៩៥.៥៤២ នាក់ និងអ្នកឆ្លងជំងឺធំជាងគេទី ២ ដែលមានចំនួនជាង ៦ លាននាក់៕

ដោយ ឈូក បូរ៉ា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top