Covid-19

ចំនួនអ្នកឆ្លងជំងឺកូវីដ-១៩ នៅទូទាំងពិភពលោក កើនឡើងជាង ៣៤លាននាក់ ខណៈអ្នកស្លាប់មានជាង ១លាននាក់

ញូវយ៉ក៖ យោងតាមមជ្ឈមណ្ឌលវិទ្យាសាស្ត្រ និងវិស្វកម្មប្រព័ន្ធ (CSSE) នៅសាកលវិទ្យាល័យ Johns Hopkins បានឱ្យដឹងថា ករណីឆ្លងជំងឺកូវីដ-១៩ នៅទូទាំងពិភពលោកមានចំនួន ៣៤ លានករណី កាលពីថ្ងៃព្រហស្បតិ៍ ហើយចំនួនអ្នកស្លាប់ ក៏មានរហូតដល់ជាង ១លាននាក់ផងដែរ។

ទិន្នន័យរបស់ CSSE បានបង្ហាញថា ចំនួនករណីទូទាំងពិភពលោក បានកើនឡើងដល់ ៣៤,០៩២,៦៩៦នាក់ ដែលមានចំនួនអ្នកស្លាប់ ១,០១៦,០៥០នាក់ នៅទូទាំងពិភពលោកគិតត្រឹមម៉ោង ១និង ២៣នាទីម្សិលមិញនេះ។

សហរដ្ឋអាមេរិក បានរាយការណ៍ពីករណី និងការស្លាប់ច្រើនបំផុតដែលមានចំនួន ៧,២៥២,៧០១ នាក់និង ២០៧,៣៣១ នាក់រៀងៗខ្លួន។ ប្រទេសឥណ្ឌាបានកត់ត្រាចំនួន ៦,៣១២,៥៨៤ ករណីដែលជាប់ចំណាត់ថ្នាក់ទី ២ នៅក្នុងតារាងពិភពលោក។

នៅក្នុងនោះដែរ ប្រទេសប្រេស៊ីល បានចុះបញ្ជីចំនួនអ្នកឆ្លងជំងឺកូវីដ-១៩ ធំជាងគេទី ៣ លើពិភពលោកដោយមានចំនួន ៤,៨១០,៩៣៥ នាក់ និងចំនួនអ្នកស្លាប់ច្រើនជាងគេទី ២ មានចំនួន ១៤៣,៩៥២ នាក់។

យោងតាមមជ្ឈមណ្ឌលនេះ ប្រទេសដែលមានករណីជាង ៧៥ ម៉ឺននាក់ក៏រួមមានប្រទេសរុស្ស៊ី កូឡុំប៊ី ប្រទេសប៉េរូ អេស្ប៉ាញ និងអាហ្សង់ទីនខណៈប្រទេសផ្សេងទៀត ដែលមានអ្នកស្លាប់ជាង ៣៥.០០០ នាក់រួមមានប្រទេសឥណ្ឌា ម៉ិកស៊ិក អង់គ្លេស និងអ៊ីតាលី ៕

ដោយ ឈូក បូរ៉ា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top