វ៉ាស៊ីនតោន៖ សេតវិមានបានឲ្យដឹងថា ប្រធានាធិបតីសហរដ្ឋអាមេរិកលោក ដូណាល់ ត្រាំបានណែនាំ រដ្ឋាភិបាល របស់លោកឱ្យបញ្ឈប់ការ ផ្តល់ជំនួយមិនមែនមនុស្សធម៌ ដល់ប្រទេសកូរ៉េខាងជើង និងប្រទេសចំនួន ៨ ផ្សេងទៀតរហូតដល់ប្រទេស ទាំងនោះគោរព តាមបទដ្ឋានអប្បបរមា ស្តីពីការជួញដូរមនុស្ស។
នៅក្នុងអនុស្សរណៈមួយទៅកាន់អ្នកការទូតកំពូលរបស់លោក គឺលោក Mike Pompeo លោក ត្រាំ បានលើកឡើងថា លោកបានប្តេជ្ញាចិត្តថា សហរដ្ឋអាមេរិក នឹងមិនផ្តល់ជំនួយ ដែលមិនទាក់ទងនឹងជំនួយមនុស្សធម៌ និងទាក់ទងទៅនឹងបណ្តាប្រទេសនានាឡើយ រហូតដល់រដ្ឋាភិបាល បែបនេះគោរពតាមបទដ្ឋានអប្បបរមា នៃច្បាប់ ឬខិតខំប្រឹងប្រែងយ៉ាងខ្លាំង ដើម្បីនាំខ្លួនពួកគេឱ្យគោរព តាមជាមួយស្តង់ដារអប្បបរមា។
លោកបានបន្ថែមថា ករណីលើកលែងតែមួយគត់ នឹងត្រូវបានកំណត់ សម្រាប់ជំនួយចាំបាច់ ជាមួយនឹងជំងឺរាតត្បាតកូវីដ-១៩ និងវីរុសអេបូឡា ហើយប្រទេសទាំងនោះរួមមាន ប្រទេសប៊ូរុនឌី ចិន គុយបា អេរីទ្រា អ៊ីរ៉ង់ នីការ៉ាហ្គ័រ រុស្ស៊ី និងស៊ីរី ៕
ដោយ ឈូក បូរ៉ា
