ព័ត៌មានអន្តរជាតិ

វៀតណាម គ្រោងកាត់បុគ្គលិក​ រដ្ឋាភិបាលរហូតដល់ ២៤៩ ៦៥០ នាក់ នៅឆ្នាំក្រោយ

បរទេស៖ នាយករដ្ឋមន្រ្តីវៀតណាម លោក ង្វៀន ស៊ុនហ្វុក បានអនុម័តលើសំណើដើម្បីកាត់បន្ថយចំនួន បុគ្គលិករដ្ឋាភិបាលប្រមាណពី ៤ ០០០ នាក់ ដល់ ២៤៩ ៦៥០ នាក់នៅឆ្នាំក្រោយ។ ចំនួននេះនឹងធ្វើឱ្យប៉ះពាល់ ដល់កម្មករនិយោជិកចំនួន ២៤៧ ៣៤៤ នាក់ នៅក្នុងទីភ្នាក់ងាររដ្ឋ និងអង្គការរដ្ឋបាល និងបុគ្គលិកដែលនៅសេសសល់ ក្នុងបេសកកម្មការទូតនៅក្រៅប្រទេស សមាគម និងសេវាកម្មបម្រុងរបស់រដ្ឋ។

នៅឆ្នាំ ២០១៧ នាយករដ្ឋមន្រ្តី បានណែនាំដល់ការិយាល័យរដ្ឋាភិបាល ឲ្យកាត់បន្ថយប្រាក់ខែរបស់ពួកគេចំនួន ១,៥ ទៅ២ ភាគរយ ក្នុងមួយឆ្នាំសម្រាប់រយៈពេល ៥ ឆ្នាំខាងមុខ។ លោកបាននិយាយថា ទីភ្នាក់ងារកណ្តាលនិងមូលដ្ឋាន គួរតែធ្វើឱ្យប្រាកដថា មានតែបុគ្គលិកសំខាន់ៗប៉ុណ្ណោះ ដែលត្រូវបានរក្សាទុក។

លោកបាននិយាយថា មិនគួរមានការជ្រើសរើសបុគ្គលិកថ្មី ឬការបង្កើតទីភ្នាក់ងារថ្មីនោះទេ លើកលែងតែក្នុងវិស័យថែទាំសុខភាព និងការអប់រំប៉ុណ្ណោះ ហើយពួកគេគួរតែផ្អែកលើការ សម្រេចចិត្តរបស់រដ្ឋាភិបាល។

ប្រាក់ខែរបស់រដ្ឋាភិបាល ត្រូវបានកាត់បន្ថយពី ២៦៥ ១០០ ក្នុងឆ្នាំ ២០១៨ ទៅ ២៥៩ ៥៩៨ កាលពីឆ្នាំមុន និង ២៥៣ ០០០ នៅឆ្នាំនេះ។

នៅក្នុងខែមិថុនា សមាជិកសភាបានសម្រេចចិត្ត ពន្យាពេលការដំឡើងប្រាក់ឈ្នួល ៧,៤ ភាគរយសម្រាប់បុគ្គលិករដ្ឋាភិបាល ដែលបានគ្រោងធ្វើនៅខែកក្កដា ខណៈដែលវិបត្តិនៃជំងឺកូវីដ១៩ បានដាក់ការទាមទារ យ៉ាងច្រើនលើមូលនិធិ ៕

ប្រែសម្រួលៈ ណៃ តុលា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top