បរទេស៖ ចំពេលមានជម្លោះ ដែលកំពុងកើតមាននៅក្នុងសាធារណរដ្ឋ Nagorno-Karabakh ដែលមិនបានទទួលស្គាល់ រដ្ឋមន្រ្តីក្រសួងការបរទេស នៃប្រទេសអាមេនី និងអាស៊ែបៃហ្សង់ ត្រូវបានគេអញ្ជើញ ឱ្យទៅកាន់ទីក្រុងម៉ូស្គូ ដើម្បីធ្វើការចរចាទាក់ទងនឹងបទឈប់បាញ់គ្នា និងការផ្លាស់ប្តូរអ្នកទោស និងសាកសពរបស់អ្នកដែលត្រូវបានសម្លាប់។
យោងតាមសារព័ត៌មាន Sputnik ចេញផ្សាយនៅថ្ងៃទី១០ ខែតុលា ឆ្នាំ២០២០ បានឱ្យដឹងថា បន្ទាប់ពីការចរចារយៈពេល ១០ ម៉ោងនៅទីក្រុងមូស្គូ រដ្ឋមន្ត្រីការបរទេសរុស្ស៊ីលោក Sergey Lavrov បានថ្លែងថា ប្រទេសអាមេនី និងអាស៊ែបៃហ្សង់ បានយល់ព្រមលើបទឈប់បាញ់គ្នាមួយនៅតំបន់ Nagorno-Karabakh ដោយចាប់ផ្តើមពីថ្ងៃទី១០ ខែតុលាតទៅ ដើម្បីដោះដូរអ្នកទោសនិងសាកសពរបស់អ្នក ដែលត្រូវបានសម្លាប់។
បើតាមសេចក្តីថ្លែងការណ៍ បានឱ្យដឹងថា « បទឈប់បាញ់គ្នាត្រូវបានប្រកាសចាប់ផ្តើមនៅម៉ោង ១២ និង ១០នាទី ថ្ងៃទី ១០ ខែតុលាឆ្នាំ ២០២០ ក្នុងគោលបំណងមនុស្សធម៌ សម្រាប់ការដោះដូរអ្នកទោសសង្គ្រាម និងអ្នកជាប់ឃុំផ្សេងទៀត និងសាកសពអ្នកស្លាប់ ដែលត្រូវបានសំរបសំរួលស្របតាម លក្ខណៈវិនិច្ឆ័យរបស់ គណៈកម្មាធិការអន្តរជាតិនៃ »។
យោងតាមសេចក្តីថ្លែងការណ៍ បានឱ្យដឹងថា រដ្ឋាភិបាលទីក្រុងបាគូ និង រដ្ឋភិបាលទីក្រុង យូរេវ៉ាន បានយល់ព្រមចាប់ផ្តើមកិច្ចពិភាក្សា “សំខាន់” ស្តីពីជម្លោះនៅតំបន់ Karabakh៕
ប្រែសម្រួលៈ ណៃ តុលា
