Covid-19

ចំនួនអ្នកឆ្លងជំងឺកូវីដ-១៩ នៅឥណ្ឌា កើនឡើងដល់ជាង ៧លាននាក់ ឈរនៅលេខ២ បន្ទាប់ពីអាមេរិក

ញូវដេលី៖ ប្រទេសឥណ្ឌា បានឲ្យដឹងថា ករណីឆ្លងជំងឺកូវីដ-១៩ របស់ខ្លួនបានកើនលើស ៧លាននាក់ហើយ ដែលក្លាយជាប្រទេសទី២ ហើយដែលឈានដល់ដំណាក់កាល សំខាន់បន្ទាប់ពីសហរដ្ឋអាមេរិក។

យោងតាមក្រសួងសុខាភិបាល និងសុខុមាលភាពគ្រួសារបានឲ្យដឹងថា ប្រទេសដែលមានប្រជាជន ច្រើនជាងគេលំដាប់លេខ២ នៅលើពិភពលោកនាពេលបច្ចុប្បន្ននេះ មានករណីឆ្លងចំនួន ៧,០៥៣,៨០៦ ករណីដែលមានអ្នកស្លាប់សរុប ១០៨,៣៣៤ នាក់ បន្ទាប់ពីការកត់ត្រា ៧៤,៣៨៣ ករណីថ្មីក្នុងរយៈពេល ២៤ ម៉ោង។

ប្រទេសឥណ្ឌា បានរាយការណ៍នៅថ្ងៃទី២៨ ខែកញ្ញា ថាករណីដែលបានបញ្ជាក់ របស់ខ្លួនមានលើសពី ៦ លាននាក់ហើយនៅថ្ងៃទី១៦ ខែកញ្ញាថា ពួកគេបានកើនលើស ៥ លាននាក់ ៕

ដោយ ឈូក បូរ៉ា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top