ព័ត៌មានអន្តរជាតិ

ក្រុមរាជានិយមនៅថៃ ប្រមូលផ្តុំគ្នានៅខាងក្រៅអគារ ដែលគ្រប់គ្រងដោយ ក្រុមគ្រួសាររបស់លោក Thanathorn Juangroongruangkit ដើម្បីបណ្តេញលោក ចេញពីប្រទេសថៃ

បរទេស៖ ក្រុមរាជានិយមបានប្រមូលផ្តុំគ្នា នៅខាងក្រៅអគារការិយាល័យ ដែលគ្រប់គ្រងដោយក្រុមគ្រួសាររបស់លោក Thanathorn Juangroongruangkit ជាលើកទីពីរក្នុងរយៈពេលតិចជាងមួយខែ ដើម្បីបណ្តេញលោកចេញពីប្រទេសថៃ។

យោងតាមសារព័ត៌មាន Bangkok Post ចេញផ្សាយនៅថ្ងៃទី១២ ខែតុលា ឆ្នាំ២០២០ បានឱ្យដឹងថា ក្រុមនេះដែលហៅខ្លួនឯងថា មជ្ឈមណ្ឌលប្រជាជនដើម្បីការពារស្ថាប័ន បានផ្លាស់ប្តូរពីសមាគមប្រជាជន ភាគខាងត្បូងនៅម៉ោង ១១ ព្រឹកថ្ងៃច័ន្ទ ដល់អគារ Thai Sumit នៅលើផ្លូវ New Phetchabur ក្នុងទីក្រុងបាងកក។

ដឹកនាំដោយ Jakkapong Klinkaew, ក្រុមនេះបានចូលរួម ជាមួយមនុស្សមួយចំនួន ដែលបានរង់ចាំចូលរួមជាមួយ ពួកគេនៅមុខអាគារ។

យោងតាមសេចក្តីថ្លែងការណ៍មួយ ដែលអានដោយលោក Jakkapong នៅទីនោះថា លោក Thanathorn នៅពេលកើតនៅក្នុងប្រទេសថៃ និងកាន់សញ្ជាតិថៃ មានសមាជិកគ្រួសារ ដែលបានរួចផុតពីការ លំបាកពីប្រទេសក្រៅ ដើម្បីស្វែងរកការការពារពីព្រះមហាក្សត្រ និងថៃ។ នៅទីនេះពួកគេបានកសាង ជោគវាសនារបស់ពួកគេ ដែលធ្វើឱ្យពួកគេក្លាយជា មហាសេដ្ឋីឈានមុខគេរបស់ប្រទេស។

ទោះយ៉ាងណាលោក Thanathorn មិនបានដឹងគុណចំពោះ សេចក្តីមេត្តាករុណារបស់ព្រះករុណាទេ។ នៅក្នុងសកម្មភាពចុងក្រោយ លោកបានប្រកាសយ៉ាងច្បាស់ថា លោកគាំទ្រកំណែទម្រង់ រាជាធិបតេយ្យនៅឯសិក្ខាសាលា នៅសាកលវិទ្យាល័យជូឡាឡុងកន ៕

ប្រែសម្រួលៈ ណៃ តុលា

To Top