ព័ត៌មានអន្តរជាតិ

អ្នករាយការណ៍យូអិន ជំរុញឲ្យកូរ៉េខាងជើង ដាក់ទោសលើឃាតករ បាញ់សម្លាប់មន្រ្តីកូរ៉េខាងត្បូង

សេអ៊ូល៖ អ្នករាយការណ៍ពិសេស ស្តីពីស្ថានភាពសិទ្ធិមនុស្ស អង្គការសហប្រជាជាតិ ប្រចាំកូរ៉េខាងជើង បានជំរុញឱ្យទីក្រុងព្យុងយ៉ាង ដាក់ទណ្ឌកម្មចំពោះអ្នកដែល ទទួលខុសត្រូវចំពោះការ សម្លាប់មន្ត្រីជលផលកូរ៉េខាងត្បូង ដោយសងសំណងដល់ ក្រុមគ្រួសាររបស់មន្ត្រី និងធានាថាមិនមានឧប្បត្តិហេតុ បែបនេះកើតឡើងទៀតឡើយ។

លោក Tomas Ojea Quintana បានធ្វើបណ្តឹងឧទ្ធរណ៍ដោយ បានថ្កោលទោសការសម្លាប់នេះថា ជាការរំលោភច្បាប់សិទ្ធិមនុស្សអន្តរជាតិ នៅក្នុងរបាយការណ៍ចុងក្រោយ របស់លោក ស្តីពីស្ថានភាពសិទ្ធិមនុស្ស របស់កូរ៉េខាងជើង។

ឯកសារនេះត្រូវបានចេញផ្សាយ ដោយការិយាល័យសិទ្ធិមនុស្ស អង្គការសហប្រជាជាតិនៅទីក្រុងសេអ៊ូល ហើយលោកគ្រោងនឹងបង្ហាញ វាទៅមហាសន្និបាតអង្គការសហប្រជាជាតិ នៅសប្តាហ៍ក្រោយ។

លោកបានឲ្យដឹងនៅក្នុង របាយការណ៍ដោយយោង ទៅឈ្មោះកូរ៉េខាងជើងថា“ សាធារណរដ្ឋប្រជាធិបតេយ្យកូរ៉េត្រូវតែ…ទទួលខុសត្រូវ ចំពោះគណនេយ្យភាពសងជំងឺចិត្ត ក្រុមគ្រួសាររបស់មន្ត្រី និងធានាថាព្រឹត្តិការណ៍បែបនេះ មិនត្រូវបានធ្វើម្តងទៀតឡើយ” ៕

ដោយ ឈូក បូរ៉ា

To Top