បរទេស៖ នៅថ្ងៃសុក្រនេះអ្នកការទូតចិន ជាន់ខ្ពស់ម្នាក់បានធ្វើការ ប្រកាសព្រមានប្រទេសកាណាដា ក្នុងន័យប្រឆាំងនឹងការសម្រេចចិត្ត ផ្តល់សិទ្ធិជ្រកកោនដល់ក្រុមអ្នកតវ៉ា លទ្ធិប្រជាធិបតេយ្យនៅហុងកុង។
សេចក្តីថ្លែងការណ៍ដែល ត្រូវបានធ្វើឡើងដោយ លោក Cong Peiwu ប្រេសិតពិសេសរបស់ ក្រុងប៉េកាំងប្រចាំនៅទីក្រុងអូតាវ៉ា ក៏បានជំរុញឱ្យមានការស្តីបន្ទោស ពីសំណាក់រដ្ឋមន្រ្តីការបរទេសកាណាដាផងដែរ ហើយដែលវាបាននឹងកំពុងធ្វើឱ្យ មានភាពតានតឹងកាន់តែខ្លាំង ឡើងរវាងប្រទេសទាំងពីរ។
គួរឲ្យដឹងដែរថាលោក Cong បានធ្វើការឆ្លើយតបបែបនេះ ក្រោយលេចឬនូវ របាយការណ៍ដែលថាគូស្វាមីភរិយាហុងកុងមួយគូ ដែលជាអ្នកធ្លាប់បានចូលរួម ក្នុងការតវ៉ាដ៏ធំនិង បែបហិង្សាផងកាលពីឆ្នាំមុន ត្រូវបានគេផ្តល់សិទ្ធក្នុងការក្លាយខ្លួន ទៅជាជនភៀសខ្លួននៅក្នុងប្រទេសកាណាដា ៕
ប្រែសម្រួល៖ ស៊ុន លី
