បរទេស៖ អង្គការមិនស្វែងរកប្រាក់ចំណេញ iLaw បានចោទសួរពីការសម្រេចចិត្តរបស់ប៉ូលីសក្នុងការឃុំខ្លួនមេដឹកនាំបាតុករ ដែលគាំទ្រលទ្ធិប្រជាធិបតេយ្យចំនួន ៣ នាក់ ដែលត្រូវបានតុលាការដោះលែង អោយមានសេរីភាពកាលពីថ្ងៃសុក្រ។
យោងតាមសារព័ត៌មាន The Nation ចេញផ្សាយនៅថ្ងៃទី៣១ ខែតុលា ឆ្នាំ២០២០ បានឱ្យដឹងថា នៅក្នុងការបង្ហោះនៅលើទំព័រហ្វេសប៊ុករបស់ខ្លួនកាលពីថ្ងៃសៅរ៍ iLaw បាននិយាយថា យោងតាមផ្នែកទី ៦៨ នៃក្រមព្រហ្មទណ្ឌ គឺនៅពេលដែលជនសង្ស័យត្រូវបានចាប់ខ្លួន ដីកាចាប់ខ្លួនលែងមានសុពលភាពសម្រាប់ការប្រើប្រាស់បន្តទៀត។ របាយការណ៍បាននិយាយថា“ ក្នុងករណីជនសង្ស័យត្រូវបានដោះលែង ឬរត់គេចខ្លួន បន្ទាប់ពីការចាប់ខ្លួនមន្រ្តីប៉ូលីសចាំបាច់ត្រូវស្នើសុំដីកាចាប់ខ្លួនថ្មីពីតុលាការ” ។
iLaw បន្តដោយសំដៅទៅលើឧប្បត្តិហេតុ នៃមេដឹកនាំបាតុកម្មដែលគាំទ្រលទ្ធិប្រជាធិបតេយ្យចំនួន ៤ រូប ដែលត្រូវបានដោះលែងនៅល្ងាចថ្ងៃសុក្រ បន្ទាប់ពីតុលាការព្រហ្មទណ្ឌបានបដិសេធផ្តល់សំណើទី ៣ របស់ប៉ូលីស ដើម្បីឃុំខ្លួនពួកគេដើម្បីសាកសួរបន្ត៕
ប្រែសម្រួលៈ ណៃ តុលា
