វ៉ាស៊ីនតោន៖ ក្រសួងការពារជាតិ បានឲ្យដឹងពីថ្ងៃអង្គារថា សហរដ្ឋអាមេរិក បានស្ទាក់ចាប់ និងបំផ្លាញមីស៊ីលផ្លោងអន្តរទ្វីប (ICBM) ដោយជោគជ័យ នៅក្នុងការសាកល្បងចុងក្រោយ នៃប្រព័ន្ធការពារមីស៊ីល ដែលមានមូលដ្ឋាន នៅសមុទ្រ។
ការធ្វើតេស្ត នៅទីវាលពាក់ព័ន្ធ នឹងការគំរាមកំហែង ដោយមីស៊ីល ICBM ដែលត្រូវបានបាញ់ចេញពីទីតាំង សាកល្បងមីស៊ីល របស់សហរដ្ឋអាមេរិក នៅកោះ Marshall កាលពីព្រឹកថ្ងៃអង្គារ (ម៉ោងនៅវ៉ាស៊ីនតោន) ។
មន្ទីរបញ្ចកោណ បានឲ្យដឹងនៅក្នុងសេចក្តី ប្រកាសព័ត៌មានមួយថា មីស៊ីលបាលីស្ទីកស្តង់ដារមីស៊ីល -៣ ឬហៅថា (SM-៣) បានបាញ់ចេញពីនាវាពិឃាត សហរដ្ឋអាមេរិក នៅលើសមុទ្រ ត្រូវបានស្ទាក់ចាប់ និងបំផ្លាញគោលដៅ ដោយជោគជ័យ។
លោក Jon Hill នាយកទីភ្នាក់ងារ ការពារមីស៊ីលអាមេរិក (MDA) ត្រូវបានដកស្រង់សម្តី ដោយថា“ នេះគឺជាសមិទ្ធិផល ដែលមិនគួរឱ្យជឿ និងមានសារៈសំខាន់ សម្រាប់កម្មវិធី Aegis BMD SM-3 Block IIA”៕
ដោយ ឈូក បូរ៉ា
