វ៉ាស៊ីនតោន៖ ចំនួនអ្នកស្លាប់ដោយសារជំងឺកូវីដ- ១៩ នៅអាមេរិកបានកើនឡើងដល់ ២៧ម៉ឺននាក់កាលពីថ្ងៃអង្គារ នេះបើយោងតាមមជ្ឈមណ្ឌលវិទ្យាសាស្ត្រ និងវិស្វកម្មប្រព័ន្ធ (CSSE) នៅសាកលវិទ្យាល័យ Johns Hopkins។
ជាមួយនឹងចំនួនឯកត្តជន ដែលមានដល់ ១៣,៦ លាននាក់ចំនួន អ្នកស្លាប់នៅទូទាំងសហរដ្ឋអាមេរិក បានកើនឡើងដល់ ២៧០,០០៣នាក់ គិតត្រឹមម៉ោង ៥ និង ២៦ នាទី ម៉ោងក្នុងស្រុកនេះបើយោង តាមទិន្នន័យរបស់ CSSE ។
រដ្ឋញូវយ៉កបានរាយការណ៍ថា មានអ្នកស្លាប់ចំនួន ៣៤,៦១៨ នាក់ស្ថិតនៅកំពូលនៃបញ្ជីអ្នកស្លាប់ ក្នុងកម្រិតរដ្ឋរបស់សហរដ្ឋអាមេរិក។ រដ្ឋតិចសាស់ បានកត់ត្រានូវចំនួនអ្នកស្លាប់ច្រើនជាងគេទី ២ គឺឈរនៅចំនួន ២១,៩៤៦ នាក់។ រដ្ឋកាលីហ្វ័រញ៉ា រដ្ឋផ្លរីដា និងរដ្ឋ New Jersey បានបញ្ជាក់ថា មានមនុស្សស្លាប់ជាង ១៧,០០០ នាក់ ហើយរដ្ឋដែលមានអ្នកស្លាប់ជាង ១០,០០០ នាក់ក៏រួមមានរដ្ឋអ៊ីលីណយ ម៉ាសាឈូសេត និងផេនស៊ីលវេនៀ។
សហរដ្ឋអាមេរិក នៅតែជាប្រទេសដែលរងគ្រោះធ្ងន់ធ្ងរ បំផុតដោយរោគរាតត្បាត ដែលមានចំនួនអ្នកស្លាប់ និងបាត់បង់ជីវិតខ្ពស់បំផុត នៅលើពិភពលោក ដែលមានចំនួនច្រើនជាង ១៨ ភាគរយនៃចំនួនអ្នកស្លាប់ទូទាំងពិភពលោក៕
ដោយ ឈូក បូរ៉ា
