បរទេស៖ យោងតាមការអះអាង របស់រដ្ឋបាលរបស់លោក Donald Trump នៅថ្ងៃនេះបានបញ្ជាក់សាជាថ្មីថា អាមេរិកបានបន្ថែមការបញ្ជាទិញវ៉ាក់សាំង បន្ថែមទៀតហើយ និងបន្តការចែកចាយរបស់ខ្លន រហូតទៅដល់ខែមិថុនា ឆ្នាំ២០២១ ហើយមកដល់ពេលនេះទឹកប្រាក់ ដែលបានចំណាយមានទៅដល់ ៣,២ពាន់លានដុល្លារមកហើយ។
តាមការបញ្ជាក់របស់ទីភ្នាក់ងារ គ្រប់គ្រងជំងឺរាតត្បាតនិងចំណីអាហារអាមេរិក FDA ក៏បានបញ្ជាក់ដែរថាអាមេរិកទើបតែ បានជោគជ័យក្នុងការបញ្ជាទិញ វ៉ាក់សាំងកូវីដ១៩ ប្រមាណជា១០០លានដូសបន្ថែមទៀត ពីក្រុមហ៊ុន Moderna ផងដែរហើយ
នឹងត្រៀមអនុម័តថវិកានៅក្នុងខែនេះ។
គួរឲ្យដឹងដែរថា FDAទើបតែបានប្រកាសផ្តល់អាជ្ញាបណ្ណជូនទៅដល់ក្រុមហ៊ុនផលិតវ៉ាក់សាំង Pfizer ដើម្បីអាចធ្វើការចែកចាយ វ៉ាក់សាំងក្នុងកម្រិតបន្ទាន់មួយនៅទូទាំងសហរដ្ឋអាមេរិក កាលពីល្ងាចថ្ងៃសុក្រម្សិលមិញហើយ Moderna ដែលមានប្រសិទ្ធភាព ៩៥ភាគរយនោះគឺក្លាយទៅជាវ៉ាក់សាំង ទី២ហើយ នៅអាមេរិកប្រសិនបើការអនុម័ត ទទួលស្គាល់សប្តាហ៍ក្រោយប្រព្រឹត្តទៅជោគជ័យ៕
ប្រែសម្រួល៖ស៊ុនលី
