ព័ត៌មានអន្តរជាតិ

បន្ទុះគ្រាប់បែក នៅប៉ាគីស្ថាន បណ្តាលឲ្យរបួស ១៥នាក់

ឥស្លាម៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី១៤ ខែធ្នូ ឆ្នាំ២០២០ថា បំផ្ទុះគ្រាប់បែកនៅតំបន់ទីផ្សារមួយ នៅស្រុក Rawalpindi ខេត្ត Punjab ស្ថិតនៅភាគខាងកើតនៃប្រទេសប៉ាគីស្ថាន កាលពីថ្ងៃអាទិត្យ បណ្តាលឲ្យរងរបួសពលរដ្ឋចំនួន ១៥នាក់ ។

ប្រភពពីប៉ូលិសបានប្រាប់ដល់ស៊ិនហួថា ឧប្បត្តិហេតុបានកើតឡើង នៅគ្រាដែលមានករណីផ្ទុះនៅក្នុងទីផ្សារ ដែលមានទីតាំងនៅជិតតំបន់ Ganj Mandi នៃស្រុក Rawalpindi ។

យោងតាមការស៊ើបអង្កេតដំបូង គ្រាប់បែកបានត្រូវគេបង្កប់ នៅក្នុងរទេះដឹកបន្លែមួយគ្រឿង ដែលមិនស្គាល់ម្ចាស់ ដែលបានចាកចេញពីកន្លែងកើតហេតុ ក្រោយបំផ្ទុះ ។

មិនទាន់មានក្រុមណាមួយអះអាង ពីការវាយប្រហារនេះនៅឡើយទេ ៕

ប្រែសម្រួលដោយ៖ ម៉ៅ បុប្ផាមករា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top