បរទេស៖ នៅថ្ងៃចន្ទនេះ ប្រទេសថៃបានប្រកាសពីការ កត់ត្រាករណីឆ្លងវីរុសថ្មីរហូតដល់ចំនួន ៧៤៥ នាក់ ក្នុងនោះ ៧០៩ នាក់ជាការចម្លងក្នុងសហគមន៍ ដែលនាំឱ្យមានចំនួនអ្នកឆ្លងវីរុសកូវីដ១៩សរុប ៨.៤៣៩ នាក់ និង មានមនុស្សស្លាប់ ១ នាក់ទៀត។
យោងតាមសារព័ត៌មាន Bangkok Post ចេញផ្សាយនៅថ្ងៃទី៤ ខែមករា ឆ្នាំ២០២១ បានឱ្យដឹងថា សរុប ២៤ ម៉ោងនៃករណី ៧០៩ ករណី រួមមានពលករចំណាកស្រុកចំនួន ៥៥៧ នាក់ និងជនជាតិថៃ ១៥២ នាក់។ ចំណែកអ្នកស្លាប់ដែលបានកត់ត្រាថ្មីគឺ បុរសអាយុ ៥៦ ឆ្នាំនៅបាងកក។
សូមជម្រាបថា នៅប្រទេសថៃចំនួនករណីឆ្លងវីរុសកូវីដ១៩ បានកើនឡើងជារៀងរាល់ថ្ងៃ ដែលជាចំនួនច្រើនបំផុតចាប់តាំងពី ការរាតត្បាតបានផ្ទុះឡើង ៕
ប្រែសម្រួលៈ ណៃ តុលា
