ព័ត៌មានអន្តរជាតិ

យោធាចិន និងឥណ្ឌា ប៉ះទង្គិចគ្នាសាជាថ្មី របួសទាំងសងខាង

បរទេស៖ យោងតាមការចេញផ្សាយ របស់ទូរទស្សន៍ BBC នៅថ្ងៃនេះបានឲ្យដឹងថាយោធា នៃប្រទេសចិន និងប្រទេសឥណ្ឌាត្រូវបានគេដឹងថា បានប៉ះទង្គិចគ្នាសាជាថ្មី នៅក្នុងតំបន់ជម្លោះតាមព្រំដែន ហើយជាលទ្ធផលគឺមានការទទួលរង របួសទាំងសងខាងផងដែរ។

ប្រភពដដែលបានសរសេរទៀតថា ហេតុការណ៍បានកើតឡើងនៅក្នុងតំបន់ Sikkim ភាគខាងជើងតាំងតែពីថ្ងៃពុធសប្តាហ៍មុន ប៉ុន្តែមកល់ដល់ពេលនេះទំនាស់គ្នា លើកនេះគឺត្រូវបាន ដោះស្រាយរួចរាល់ហើយ។

គួរឲ្យដឹងដែរថា ភាពតានតឹងនៃមហាអំណាចយោធា ជាប់ព្រំដែនទាំងពីរនេះបានកើតឡើង ជាយូរមកហើយប៉ុន្តែចុងក្រោយនេះ គឺកាន់តែខ្លាំងក្លាបំផុតកាលពីខែមិថុនា ដោយគ្រានោះមានការ បាត់បង់ជីវិតរបស់យោធាឥណ្ឌាដល់ទៅ ២០នាក់ផងដែរ ៕

ប្រែសម្រួល៖ ស៊ុន លី

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។

All rights reserved by: DAP News

To Top
×