BBC៖ សហភាពអឺរ៉ុបបានបញ្ជាក់ថា ខ្លួនកំពុងណែនាំការគ្រប់គ្រងការនាំចេញលើវ៉ាក់សាំងការពារមេរោគ ដែលត្រូវបានធ្វើនៅក្នុងប្លុកនេះចំពេលមានបញ្ហាកង្វះការចែកចាយ។ យន្តការដែលគេហៅថាតម្លាភាពផ្តល់អំណាចដល់បណ្តាប្រទេសសហគមន៍អឺរ៉ុបក្នុងការបដិសេធ ការអនុញ្ញាតសម្រាប់ការនាំចេញវ៉ាក់សាំង ប្រសិនបើក្រុមហ៊ុនធ្វើឱ្យពួកគេមិនគោរពកិច្ចសន្យា ដែលមានស្រាប់ជាមួយសហភាពអឺរ៉ុប។
យោងតាមសារព័ត៌មាន BBC ចេញផ្សាយនៅថ្ងៃទី៣០ ខែមករា ឆ្នាំ២០២១ បានឱ្យដឹងដោយផ្អែកតាមការលើកឡើងរបស់គណៈកម្មការអឺរ៉ុបថា “ ការការពារនិងសុវត្ថិភាពរបស់ពលរដ្ឋរបស់យើង គឺជាអាទិភាពមួយហើយបញ្ហាប្រឈមដែលយើងប្រឈមមុខពេលនេះបានធ្វើឱ្យយើង គ្មានជម្រើសអ្វីក្រៅពីធ្វើសកម្មភាពនោះទេ” ។
ការត្រួតពិនិត្យនេះនឹងជះឥទ្ធិពល ដល់បណ្តាប្រទេសចំនួន ១០០ នៅលើពិភពលោក រួមមានចក្រភពអង់គ្លេស សហរដ្ឋអាមេរិក កាណាដា និងអូស្ត្រាលី ប៉ុន្តែប្រទេសជាច្រើនទៀតរួមទាំងប្រទេសក្រីក្រផងត្រូវបានលើកលែង។
សហភាពអឺរ៉ុបទទូចថាការគ្រប់គ្រង របស់ខ្លួនគឺជាគម្រោងបណ្តោះអាសន្នមិនមែនជាការហាមឃាត់ការនាំចេញទេ។ ប៉ុន្តែអង្គការសុខភាពពិភពលោក គឺស្ថិតក្នុងចំណោមអ្នកដែលរិះគន់ការគ្រប់គ្រង ការនាំចេញវ៉ាក់សាំងរបស់អឺរ៉ុបនេះ ដោយនិយាយថា វាអាចមានឥទ្ធិពលអាក្រក់នៅជុំវិញពិភពលោក៕
ប្រែសម្រួលៈ ណៃ តុលា
