ប៉េកាំង៖ ប្រទេសចិន នឹងជំរុញកិច្ចសហប្រតិបត្តិការអន្តរជាតិបន្ថែមទៀតលើការប្រើប្រាស់ថាមពលនុយក្លេអ៊ែរ ដោយសន្តិវិធីចែករំលែកបច្ចេកវិទ្យាពីរ៉េអាក់ទ័រជំនាន់ទី ៣ របស់ខ្លួន ដែលទើបតែឈានដល់ការប្រើប្រាស់ពាណិជ្ជកម្ម នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។
អង្គភាពលេខ ៥ នៅទីក្រុង Fuqing ខេត្ត Fujian ភាគខាងកើតប្រទេសចិន ដែលជាអង្គភាពផលិតថាមពលនុយក្លេអ៊ែរដំបូងបង្អស់របស់ប្រទេសចិន ដោយប្រើ Hualong One ដែលជាម៉ាស៊ីនរ៉េអាក់ទ័រជំនាន់ទី ៣ ដែលបានរចនាក្នុងស្រុកបានចាប់ផ្តើមផលិតអគ្គិសនីសម្រាប់លក់កាលពីថ្ងៃសៅរ៍កន្លងទៅនេះ។
លោក Xing Ji ប្រធានអ្នករចនាម៉ូដបានឲ្យដឹង នៅក្នុងបទសម្ភាសន៍ផ្តាច់មុខ ជាមួយកាសែតស៊ីនហួថា “យើងមានឆន្ទៈក្នុងការផ្តល់ដល់បណ្តាប្រទេសផ្សេងទៀតនៅលើពិភពលោក នូវបច្ចេកវិទ្យា Hualong រួមទាំងសមាសធាតុសំខាន់ៗការបណ្តុះបណ្តាលបុគ្គលិកក៏ដូចជាបទពិសោធន៍របស់យើង នៅក្នុងកិច្ចសហប្រតិបត្តិការពិភពលោក” ។
លោក Xing ដែលជាប្រធានវិស្វករនៃសាជីវកម្មវិស្វកម្មថាមពលនុយក្លេអ៊ែរចិន បានលើកឡើងថា“ យើងរំពឹងថា នឹងមានកិច្ចសហប្រតិបត្តិការកាន់តែទូលំទូលាយជាមួយបណ្តាប្រទេសដទៃទៀត ក្នុងការអភិវឌ្ឍបច្ចេកវិទ្យាថ្មី លើថាមពលនុយក្លេអ៊ែរ”
ប្រទេសចិន បានចូលរួមយ៉ាងសកម្មនៅក្នុងអង្គការអន្តរជាតិក្នុងវិស័យថាមពលនុយក្លេអ៊ែរដូចជាទីភ្នាក់ងារថាមពលបរមាណូអន្តរជាតិ ដើម្បីជំរុញការផ្លាស់ប្តូរបច្ចេកវិទ្យាអន្តរជាតិ៕
ដោយ ឈូក បូរ៉ា
