បរទេស៖ ប្រទេសចិន នាពេលថ្មីៗនេះ បាននិយាយប្រាប់ថា វាជារឿងតក់ស្លុតដែលឯកសារស្តីពីកិច្ចពិភាក្សាគ្នា ពាក់ព័ន្ធនឹងប្រទេសមីយ៉ានម៉ា នៅក្រុមប្រឹក្សាសន្តិសុខ អង្គការសហប្រជាជាតិ ត្រូវបានបែកធ្លាយ ក្រោយកិច្ចប្រជុំសម្ងាត់កាលពីថ្ងៃអង្គារ។
មន្ត្រីនាំពាក្យក្រសួងការបរទេសចិន លោក វ៉ាង វិនពីង បាននិយាយនៅថ្ងៃពុធថា ក្នុងសន្និសីទតាមប្រក្រតីមួយថា សេចក្តីលម្អិតស្តីពីកិច្ចប្រជុំរបស់ក្រុមប្រឹក្សាសន្តិសុខ អង្គការសហប្រជាជាតិនោះ មិនគួរឲ្យដឹកឮជាសាធារណៈនោះទេ។
“នេះមិនមែនជារបៀបដែល ក្រុមប្រឹក្សាដំណើរការការងាររបស់ខ្លួន ពីមួយថ្ងៃទៅមួយថ្ងៃនោះទេ ហើយវាក៏នឹងមិនមានផលប្រយោជន៍ល្អ ចំពោះការរួបរួមគ្នា និងការទុកចិត្តគ្នាទៅវិញទៅមក រវាងសមាជិកក្រុមប្រឹក្សាសន្តិសុខផងដែរ។
មន្ត្រីនាំពាក្យក្រសួងការបរទេសចិន ដែលបានសង្កត់ធ្ងន់អំពីសារៈសំខាន់នៃស្ថិរភាពនយោបាយ និងសង្គមរូបនោះ ក៏បានមានប្រសាសន៍ផងដែរថា គ្រប់ភាគីទាំងអស់ នៅក្នុងប្រទេសមីយ៉ានម៉ា នឹងគ្រប់គ្រងការខ្វែងគំនិតគ្នា បានយ៉ាងសមស្រប៕
ប្រែសម្រួល៖ ប៉ាង កុង
