ព័ត៌មានអន្តរជាតិ

នាវាចិន ២គ្រឿង រំលោភចូលដែនទឹកជប៉ុន ជាលើកដំបូងក្រោមច្បាប់ ឆ្មាំឆ្នេរសមុទ្រថ្មីរបស់ខ្លួន

តូក្យូ៖ ក្រុមមន្រ្តីជប៉ុនបានឲ្យដឹងថា នាវាយាមសមុទ្រចិន នៅថ្ងៃសៅរ៍ បានចូលដែនទឹករបស់ជប៉ុន នៅជិតប្រជុំកោះសេនកាគូ ដែលទាមទារដោយចិន ជាលើកដំបូងចាប់តាំងពីច្បាប់ ឆ្មាំឆ្នេរសមុទ្រថ្មីរបស់ខ្លួន ចូលជាធរមានក្នុងខែនេះ។

ច្បាប់ដែលបានចូលជាធរមាន កាលពីថ្ងៃច័ន្ទអនុញ្ញាតឱ្យឆ្មាំឆ្នេរសមុទ្រចិន ប្រើប្រាស់អាវុធប្រឆាំងនឹងនាវាបរទេស ដែលរដ្ឋាភិបាលក្រុងប៉េកាំង យល់ថាចូលក្នុងដែនទឹក របស់ខ្លួនដោយខុសច្បាប់។

យោងតាមឆ្មាំសមុទ្រជប៉ុន នាវាឆ្មាំឆ្នេរសមុទ្រចិនចំនួន ២ គ្រឿងបានលុកលុយចូលដែនទឹកជប៉ុន ក្បែរកោះដែលគ្មានមនុស្សរស់នៅប្រហែលម៉ោង ៤ និង ៤៥ នាទីព្រឹក។

ក្រុមមន្រ្តីបានឲ្យដឹងថា បន្ទាប់ពីការលុកលុយដែលជាឆ្នាំទី ៤ នៅប្រទេសចិន រដ្ឋាភិបាលជប៉ុន បានបង្កើតក្រុមពិសេសមួយ នៅការិយាល័យនាយករដ្ឋមន្ត្រី ដើម្បីធ្វើការវិភាគលើស្ថានភាពនេះ។

យោងតាមទីស្នាក់ការកណ្តាល ឆ្មាំឆ្នេរសមុទ្រប្រចាំតំបន់ទី១១ ដែលមានមូលដ្ឋាននៅទីក្រុងណាហា ខេត្តអូគីណាវ៉ា បានឱ្យដឹងថា ទូកនេសាទរបស់ជប៉ុនចំនួន ២ គ្រឿងបានធ្វើដំណើរនៅក្នុងដែនទឹក ក្បែរក្រុមកោះតូចៗដែលគេស្គាល់ថាដាយយូ នៅប្រទេសចិន ៕

ដោយ ឈូក បូរ៉ា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top