រ៉ង់ហ្គូន៖ កងកម្លាំងប៉ូលិស បានប្រើកម្លាំងបង្រ្កាបទៅលើហ្វូងបាតុកររាប់រយនាក់នៅក្នុងតំបន់ Thapyegone ទីក្រុងណៃពិដោរ នៅក្នុងការបង្រ្ករាបនោះដែរក៏ឃើញមានការប្រើប្រាស់អាវុធជាតិផ្ទុះ រហូតដល់ត្រូវសិស្សនិសិត្សម្នាក់ចំក្បាល ប្រឈមនឹងគ្រោះថ្នាក់ធ្ងន់ធ្ងរដល់អាយុជីវិត ហើយបានស្លាប់ពេលកំពុងសម្រាកព្យាបាលនៅមន្ទីរពេទ្យ។
នេះជាលើកទី១ ហើយនៅក្នុងបាតុកម្មជាសេរីប្រឆាំងនឹងមេដឹកនាំយោធា ក្រោយពីមានការធ្វើរដ្ឋប្រហារកាលពីថ្ងៃទី០១ ខែកុម្ភៈ កន្លងទៅ ដោយមានការចាប់ខ្លួនទីប្រឹក្សារដ្ឋលោក ស្រី អ៊ុងសាន ស៊ូជី និងប្រធានាធិបតី ដោយចោទប្រកាន់រដ្ឋាភិបាលជាប់ឆ្នោតរបស់លោកស្រីថា មានលួចបន្លំសន្លឹកឆ្នោត។
វេជ្ជបណ្ឌិតដែលជាអ្នកធ្វើការវះកាន់ជនរងគ្រោះបានលើកឡើងថា ជនរងគ្រោះត្រូវបានបាញ់ចំក្បាល បើទោះជាមានមួកការពារក្ដី ហើយជនរងគ្រោះកំពុងស្ថិតក្នុងស្ថានភាពធ្ងន់ធ្ងរ យ៉ាងណាមិញ ខាងកងកម្លាំងសមត្ថកិច្ច បានបង្វែររឿងនេះទៅជាករណីផ្សេង ដោយមិនទទួលស្គាល់ថា ជនរងគ្រោះត្រូវរបួសដោយសារគ្រាប់កាំភ្លើងឡើយ។
រហូតមកដល់ពេលនេះ កងកម្លាំងប៉ូលិសបានបង្រ្កាបលើបាតុករមានទាំងកាណុងបាញ់ទឹក និងមានការប្រើអាវុធជាតិផ្ទុះផងដែរ ដោយមានបាតុករជាច្រើននាក់រងរបួសជាបន្ដបន្ទាប់។
ច្បាប់អាជ្ញាសឹកត្រូវបានប្រកាសនៅក្នុងផ្នែកខ្លះនៃទីក្រុងម៉ាន់ដាឡេ ដែលជាទីក្រុងធំទី ២ របស់មីយ៉ាន់ម៉ា កាលពីថ្ងៃចន្ទ បន្ទាប់ពីមនុស្សរាប់ពាន់នាក់បានប្រមូលផ្តុំគ្នានៅទូទាំងប្រទេសប្រឆាំងនឹងរដ្ឋប្រហារ ហើយយោធាបានចេញសេចក្តីព្រមានតឹងរឹងប្រឆាំងនឹងការតវ៉ាបន្តទៀត។
នាយកដ្ឋានរដ្ឋបាលទូទៅបានឲ្យដឹងនៅក្នុងសេចក្តីថ្លែងការណ៍មួយថា បទបញ្ជានេះគ្របដណ្តប់លើក្រុងចំនួន ៧ ក្នុងទីក្រុងម៉ាន់ដាឡេដោយហាមឃាត់មិនឱ្យប្រជាជនធ្វើបាតុកម្ម ឬប្រមូលផ្តុំគ្នាជាក្រុមដែលមានចំនួនលើសពី ៥ នាក់ឡើយ។
សេចក្តីប្រកាសស្រដៀងគ្នានេះត្រូវបានធ្វើឡើងនៅក្នុងក្រុងមួយក្នុងខេត្ត Ayeyarwaddy ភាគខាងត្បូងប្រទេសបន្ថែមទៀត ហើយសេចក្តីប្រកាសទាក់ទងនឹងមូលដ្ឋានផ្សេងទៀត ត្រូវបានគេរំពឹងថា នឹងចេញនៅយប់នេះ។
សេចក្តីថ្លែងការណ៍មួយរបស់ក្រុងម៉ាន់ដាឡេ បានឲ្យដឹងថា “ បទបញ្ជានេះត្រូវបានអនុវត្តរហូតដល់មានការជូនដំណឹងបន្ថែម” ។
អាកប្បកិរិយាបែបនេះអាចប៉ះពាល់ដល់ស្ថេរភាពសុវត្ថិភាពរបស់ប្រជាជនការអនុវត្តច្បាប់ និងអត្ថិភាព ដោយសន្តិវិធី និងអាចបង្កើតកុបកម្មដែលជាមូលហេតុដែលបទបញ្ជានេះ សេចក្តីថ្លែងការណ៍បានឲ្យដឹងថា ហាមប្រាមការប្រមូលផ្តុំការជួបជជែកគ្នានៅទីសាធារណៈ ការតវ៉ាដោយប្រើយានយន្តប្រមូលផ្តុំគ្នា។
រហូតមកដល់ពេលនេះរបបយោធា បានបដិសេធមិនប្រើកម្លាំងបះបោរប្រឆាំងនឹងបាតុកម្ម ដែលបានរាលដាលពាសពេញប្រទេសនោះទេ ប៉ុន្តែដោយមានការដាក់សម្ពាធពីប៉ូលីសប្រឆាំងកុបកម្មបានបាញ់កាណុងបាញ់ទឹកក្នុងគោលបំណង ដើម្បីបំបែកមនុស្សរាប់ពាន់នាក់ ដែលបានប្រមូលផ្តុំគ្នានៅទីក្រុងណៃពិដោរ។
យោធាកាលពីសប្តាហ៍មុនបានឃុំខ្លួនលោកស្រីអ៊ុងសាន ស៊ូជី និងសមាជិកផ្សេងទៀតនៃគណបក្សសម្ព័ន្ធជាតិ ដើម្បីលទ្ធិប្រជាធិបតេយ្យរបស់លោកស្រី ដោយបញ្ចប់ការគ្រប់គ្រងស៊ីវិលមួយផ្នែក ហើយបានបង្កការថ្កោលទោសជាអន្តរជាតិ។
នៅចំពោះមុខរលកនៃការប្រឆាំងកាន់តែខ្លាំងឡើងទូរទស្សន៍ MRTV បានព្រមានថា ការប្រឆាំងនឹងរបបយោធា គឺខុសច្បាប់ និងបង្ហាញជាសញ្ញានៃការបង្ក្រាបដ៏មានសក្តានុពល។
សេចក្តីថ្លែងការណ៍មួយដែលត្រូវបានអានដោយអ្នកប្រកាសនៅលើប៉ុស្តិ៍បានឲ្យដឹងថា“ ត្រូវតែចាត់វិធានការយោងតាមច្បាប់ជាមួយនឹងវិធានការណ៍ប្រកបដោយប្រសិទ្ធភាព ប្រឆាំងនឹងបទល្មើសនានា ដែលរំខានរារាំង និងបំផ្លាញស្ថិរភាពរបស់រដ្ឋ សុវត្ថិភាពសាធារណៈ និងនីតិរដ្ឋ”៕
