យូអិន៖ អគ្គលេខាធិការអង្គការ សហប្រជាជាតិលោក Antonio Guterres កាលពីថ្ងៃពុធបានស្នើថា ក្រុមប្រទេសទាំង២០ ឬហៅកាត់ថា (G-២០) បង្កើតក្រុមការងារបន្ទាន់មួយ ដើម្បីរៀបចំ“ ផែនការចាក់វ៉ាក់សាំងជាសកល” ប្រឆាំងនឹងជំងឺកូវីដ-១៩ ។
លោកអគ្គលេខាធិការបានឲ្យដឹងថា “យើងបានរួមគ្នាបង្កើតនូវកន្លែងគ្របដណ្តប់ COVAX ដែលជាឧបករណ៍សកលមួយ ដើម្បីផ្គត់ផ្គង់ និងផ្តល់វ៉ាក់សាំង សម្រាប់ប្រទេស ដែលមានប្រាក់ចំណូលទាប និងមធ្យម។ COVAX តម្រូវឱ្យមានថវិកាពេញលេញ ប៉ុន្តែយើងត្រូវតែធ្វើឱ្យកាន់តែច្រើនថែមទៀត ។ ការខិតខំរបស់យើង ត្រូវការឱ្យមានលក្ខណៈទូលំទូលាយ និងមានការសម្របសម្រួលល្អនៅគ្រប់ទីកន្លែង” ។
ពិភពលោកត្រូវការជាចាំបាច់នូវផែនការ ចាក់វ៉ាក់សាំងសកល ដើម្បីប្រមូលអ្នកដែលមានជំនាញ ខាងវិទ្យាសាស្ត្រ ក៏ដូចជាសមត្ថភាពផលិតកម្ម និងសមត្ថភាពហិរញ្ញវត្ថុ និងប្រទេសដែលរងផលប៉ះពាល់ដោយជម្លោះ និងអសន្តិសុខ។
លោក Guterres បានលើកឡើងថា“ ខ្ញុំជឿជាក់ថា G-20 ត្រូវបានគេដាក់យ៉ាងល្អក្នុងការបង្កើតក្រុមការងារពិសេស ដើម្បីរៀបចំផែនការចាក់វ៉ាក់សាំងសកល និងសម្របសម្រួលការអនុវត្ត និងហិរញ្ញប្បទានរបស់ខ្លួន” ។
ក្រុមការងារនេះគួរតែរួមបញ្ចូលប្រទេសទាំងអស់ ដែលមានសមត្ថភាពក្នុងការបង្កើតវ៉ាក់សាំង ឬផលិតវាប្រសិនបើមានអាជ្ញាប័ណ្ណ រួមជាមួយអង្គការសុខភាពពិភពលោក និងហ្គីវី អង្គការបច្ចេកទេសដែលពាក់ព័ន្ធ និងស្ថាប័នហិរញ្ញវត្ថុអន្តរជាតិ។ លោកបានបន្ដថា ក្រុមការងារ នឹងមានសមត្ថភាពក្នុងការកៀរគរ ក្រុមហ៊ុនឱសថ និងតួអង្គឧស្សាហកម្ម និងភស្តុភារសំខាន់ៗ ។
ប្រមុខអអង្គការអន្ដរជាតិរូបនេះ បានបន្ថែមថា “ខ្ញុំបានត្រៀមខ្លួនរួចជាស្រេច ដើម្បីធ្វើឱ្យប្រព័ន្ធអង្គការសហប្រជាជាតិពេញលេញក្នុងការគាំទ្រដល់កិច្ចខិតខំប្រឹងប្រែងនេះ។
ជំងឺកូវីដ-១៩ បន្តឆ្លងរាលដាលដោយគ្មានមេត្ដា ពាសពេញពិភពលោក ដោយកំពុងរស់នៅ ដោយបំផ្លាញសេដ្ឋកិច្ច និងបំផ្លាញគោលដៅអភិវឌ្ឍន៍ដោយចីរភាព។ លោកថាជំងឺរាតត្បាត កំពុងរាលដាលកាន់តែខ្លាំងឡើងនូវកត្តាទាំងអស់ ដែលជំរុញអស្ថិរភាព៕
ដោយ ឈូក បូរ៉ា
