សរុបព្រឹត្តិការណ៍ ព័ត៌មានអន្តរជាតិ ប្រចាំសប្ដាហ៍

ចិន សង្កត់ធ្ងន់ថា ច្បាប់ថ្មីស្ដីពីការការពារ ដែនសមុទ្រ របស់ខ្លួន មិនផ្តោតលើប្រទេស ជាក់លាក់ណាមួយនោះទេ

ប៉េកាំង៖ រដ្ឋមន្រ្តីការបរទេសចិនលោក វ៉ាង យី បានលើកឡើងថា ច្បាប់ថ្មីដ៏ចម្រូងចម្រាសរបស់ប្រទេសនេះ អនុញ្ញាតឱ្យឆ្មាំឆ្នេរសមុទ្រ របស់ខ្លួន ប្រើប្រាស់អាវុធក្នុងដែនទឹក ដែលខ្លួនអះអាងថា “មិនផ្តោតលើប្រទេស ជាក់លាក់ណាមួយនោះទេ” ខណៈដែលសម្តែងក្តីសង្ឃឹម សម្រាប់ការរីកចម្រើនបន្ថែមទៀត នៅក្នុងទំនាក់ទំនង ជាមួយជប៉ុន។

នៅពេលដែលប្រទេសចិន អះអាងថា ប្រជុំកោះសេនកាគូ ដែលគ្រប់គ្រងដោយជប៉ុន នៅសមុទ្រចិនខាងកើត គឺជាផ្នែកមួយនៃទឹកដីរបស់ខ្លួន ការព្រួយបារម្ភកំពុងតែកើនឡើង នៅក្នុងទីក្រុងតូក្យូ ថាច្បាប់នេះនឹងផ្តោតលើ នាវាជប៉ុន ដែលធ្វើដំណើរ ជុំវិញកោះតូចៗ ដែលគ្មានមនុស្សរស់ នៅហៅថាដាយយូ នៅប្រទេសចិន។

នៅក្នុងសន្និសីទកាសែត នៅខាងក្រៅនៃសម័យប្រជុំ ប្រចាំឆ្នាំ នៃសភាប្រជាជនចិនឆ្នាំនេះ លោកវ៉ាង យី បានលើកឡើងថា ច្បាប់ចុងក្រោយគឺ “ស្របតាមច្បាប់ និងការអនុវត្តអន្តរជាតិ” ។

លោកវ៉ាង យី ដែលជាសមាជិកក្រុមប្រឹក្សារដ្ឋ បានលើកឡើងថា“ ប្រទេសចិន និងជប៉ុន តែងតែចូលរួមក្នុងការសន្ទនា និងការប្រាស្រ័យទាក់ទង ដើម្បីបង្កើនការយល់ដឹង និងកសាងទំនុកចិត្ត គ្នាទៅវិញទៅមក”។

នៅពេលសួរអំពីថា តើប្រទេសអាស៊ានទាំងពីរ អាចសហការគ្នា បានយ៉ាងដូចម្តេចលោកវ៉ាង យី បានលើកឡើងថា ប្រទេសចិន និងជប៉ុន មានហេតុផលដើម្បីគាំទ្រគ្នា ទៅវិញទៅមក សម្រាប់ភាពជោគជ័យ នៃព្រឹត្តិការណ៍អូឡាំពិក ទីក្រុងតូក្យូ ដែលត្រូវបានដាក់ចេញ រយៈពេលមួយឆ្នាំ ដល់ខែកក្កដា និងព្រឹត្តិការណ៍កីឡារដូវរងា នៅទីក្រុងប៉េកាំង នៅខែកុម្ភៈ ឆ្នាំ២០២២ ។

លោក វ៉ាង បានបន្ដថា ព្រឹត្តិការណ៍កីឡា “នឹងក្លាយជាវេទិកា សម្រាប់មិត្តភាពរវាងប្រជាជន នៃប្រទេសទាំងពីរ និងផ្តល់នូវឱកាស ដើម្បីជំរុញការអភិវឌ្ឍ នៃទំនាក់ទំនងចិន – ជប៉ុន” ។

ប៉ុន្តែរដ្ឋមន្រ្តីការបរទេសរូបនេះ បានរក្សាភាពស្ងប់ស្ងាត់ អំពីថាតើទីក្រុងប៉េកាំង និងទីក្រុងតូក្យូ បានត្រៀមរៀបចំ សម្រាប់ដំណើរទស្សនកិច្ច ផ្លូវរដ្ឋ លើកដំបូងរបស់ប្រធានាធិបតីចិន លោកស៊ី ជីនពីង ទៅកាន់ប្រទេសជប៉ុន ចាប់តាំងពីលោកបានក្លាយ ជាប្រធានាធិបតី នៅក្នុងឆ្នាំ២០១៣ ។

ការអនុវត្តន៍ច្បាប់ឆ្មាំ ឆ្នេរសមុទ្រ កាលពីខែកុម្ភៈ បានធ្វើឱ្យមានការព្រួយបារម្ភ នៅទីក្រុងតូក្យូ ជុំវិញប្រជុំកោះ ដែលមានជម្លោះ ខណៈពេលដែលនាវាឆ្មាំសមុទ្រចិន បានចូលទៅក្នុងដែនទឹកក្បែរនោះ ម្តងហើយម្តងទៀត។

កាលពីដើមខែនេះ មន្ត្រីរដ្ឋាភិបាលជប៉ុន បានលើកឡើងថា ក្រោមការបកស្រាយច្បាប់ ដែលមានស្រាប់ឆ្មាំឆ្នេរសមុទ្រ របស់ប្រទេសនេះ អាចបាញ់លើនាវាផ្លូវការ របស់បរទេស ដើម្បីកំចាត់ភាពព្យាយាម របស់ពួកគេ ប្រសិនបើពួកគេ ចុះចតដោយបង្ខំ នៅលើកោះតូចៗ៕

ឥណ្ឌា៖ បុរសម្នាក់ឆ្លងវីរុសកូវីដ១៩ ក្រោយចាក់វ៉ាក់សាំង ការពារដូសទី២, វេជ្ជបណ្ឌិតពន្យល់ថា ត្រូវបន្តពាក់ម៉ាស និងគម្លាតសង្គម ទោះបីចាក់វ៉ាក់សាំងហើយក្តី

បរទេស៖ បុរសម្នាក់នៅរដ្ឋគូចារ៉ាត់ ប្រទេសឥណ្ឌា បានធ្វើតេស្តិ៍វិជ្ជមានវីរុសកូវីដ១៩ តែប៉ុន្មានថ្ងៃប៉ុណ្ណោះ បន្ទាប់ពីទទួលបានវ៉ាក់សាំងដូស លើកទី២ ប្រឆាំងនឹងជំងឺឆ្លងនេះ។ គាត់គឺជាមន្រ្តីសុខាភិបាល និងធ្វើការនៅ Dehgam Taluka ក្នុងទីក្រុង Gandhinagar រដ្ឋធានីរបស់រដ្ឋ។

យោងតាមសារព័ត៌មាន Sputnik ចេញផ្សាយនៅថ្ងៃទី៧ ខែមីនា ឆ្នាំ២០២១ បានឱ្យដឹងថា បើយោងតាមប្រធានផ្នែកសុខភាពរបស់ក្រុង Gandhinagar លោកវេជ្ជបណ្ឌិត M.H. Solanki បានប្រាប់ថា ប៉ុន្មានថ្ងៃបន្ទាប់ពីទទួលថ្នាំបង្ការលើកទី ២ បុរសនោះបានរាយការណ៍ថា មានអាការៈគ្រុនក្តៅ។ សំណាករបស់គាត់ត្រូវបានពិនិត្យ និងបង្ហាញថា គាត់មានវិជ្ជមានវីរុសកូវីដ១៩នៅថ្ងៃទី ២០ ខែកុម្ភៈ។

ការពន្យល់ពីរបៀបដែលវ៉ាក់សាំងនេះ មានប្រសិទ្ធភាព លោក Solanki បានប្រាប់អ្នកយកព័ត៌មានថា “ជាទូទៅវាត្រូវការពេលប្រហែល ៤៥ថ្ងៃ សម្រាប់អង្គបដិប្រាណប្រឆាំងនឹង ការឆ្លងដើម្បីវិវឌ្ឍន៍បន្ទាប់ពីការ ចាក់វ៉ាក់សាំងទាំងពីរត្រូវបានគ្រប់គ្រង។ ដូច្នេះយើងកំពុងណែនាំឱ្យ អ្នករាល់គ្នាតាមដានរាល់បទដ្ឋាន នៃការការពារដែលរាប់បញ្ចូល ទាំងការរក្សាគម្លាតសង្គម ពាក់ម៉ាស ទោះបីជាបានចាក់វ៉ាក់សាំង គ្រប់ដូសរួចហើយក៏ដោយ ៕

យ៉ាងហោចណាស់ ជនជាតិ អាមេរិក​ចំនួន ២១ នាក់ ទទួលរង នូវប្រតិកម្ម អាឡែហ្ស៊ី គំរាមកំហែង ដល់អាយុជីវិត ក្រោយ​ចាក់​វ៉ាក់សាំង Pfizer តែ​ស្នើ​​ឱ្យ​​ប្រជាជន បន្តចាក់ ហើយ​​និយាយ​​ថា ”បញ្ហាគឺ កម្រ​ណាស់”

អាមេរិក៖ កាសែតដេលីម៉ែល (Daily Mail) បានរាយការណ៍ កាលពីពេលថ្មីៗនេះថា របាយការណ៍ ថ្មីមួយ រកឃើញថា ជនជាតិអាមេរិកជិត ២១ នាក់ មានប្រតិកម្ម អាឡែហ្ស៊ី ដែលគំរាមកំហែង ដល់អាយុជីវិត បន្ទាប់ពីបានទទួលវ៉ាក់សាំង ការពារកូវីដ១៩ Pfizer-BioNTech ។

មជ្ឈមណ្ឌល ត្រួតពិនិត្យ និងបង្ការជំងឺរបស់អាមេរិក (CDC) បានបង្ហាញ ឲ្យដឹង ថានៅចន្លោះថ្ងៃទី ១៤ និង ២៣ ខែធ្នូមនុស្ស សរុបចំនួន ២១ នាក់ បានទទួល​រងនូវប្រតិកម្ម អាឡែហ្ស៊ី នៅពេលដែលពួកគេ បានទទួលដូស ដំបូង (first dose) ។ ក្នុងចំណោម​អ្នកជំងឺទាំងនោះ មនុស្ស ១៧ នាក់ មានប្រវត្តិអាឡែរហ្សី ឬប្រតិកម្ម​អាឡែរហ្សី និង ៧១ ភាគរយ នៃករណី បានកើតឡើង ក្នុងរយៈពេល ១៥ នាទី នៃការចាក់វ៉ាក់សាំង។

ជាមួយនឹងការចាក់ ថ្នាំបង្ការរោគ បានតែ ១,៩ លានដង ក្នុងរយៈពេលនោះ គឺជាអត្រាតែ ១១,១ ករណីនៃការប្រតិកម្មអាណាហ្វីឡាក់ទិច (anaphylaxis) ក្នុ​ងចំណោម មួយលានដូស តែ​ប៉ុណ្ណោះ។

ទោះយ៉ាងណា CDC និយាយថា ប្រតិកម្មនេះ គឺនៅតែកម្រ មានខ្លាំងណាស់ ហើយក៏បានជំរុញ ឱ្យសាធារណជនទូទៅ បន្តទទួលបានវ៉ាក់សាំង នៅពេលពួកគេ អាចរកបាន ដើម្បីជួយទប់ស្កាត់ ការរាតត្បាតរាតត្បាត ដែលត្រូវបានអះអាងថា ជាមធ្យមមនុស្សច្រើន ជាង ២.០០០ នាក់ ក្នុងមួយថ្ងៃ នៅសហរដ្ឋអាមេរិក។

មនុស្ស ២១ នាក់ដែលទទួលរង នូវប្រតិកម្មអាណាហ្វីឡាក់ទិច មានអាយុចន្លោះពី ២៧ ទៅ ៦០ ឆ្នាំហើយភាគច្រើនជាស្ត្រីដែលមានអ្នកជំងឺប្រុសតែ ២ នាក់ប៉ុណ្ណោះ។ ទោះបីយ៉ាងណា CDC និយាយថានេះ អាចដោយសារស្ត្រីច្រើន ជាងបុរសទទួល វ៉ាក់សាំងដំបូង។

សរុបចំនួន ១៧ មានប្រវតិ្តនៃអាឡែរហ្សី ទៅនឹងប្រភេទផ្សេងៗគ្នា រួមមានផ្លែឈើត្រូពិក ឃ្មុំ និងដើមចេក ពងត្រី ខ្យងឆ្មា ថ្នាំប៉េនីស៊ីលីន និងថ្នាំស្តេរ៉ូអ៊ីដ។

អ្នកជំងឺពីរនាក់ មានប្រតិកម្មពីមុន ចំពោះវ៉ាក់សាំង ពីមួយទៅវ៉ាក់សាំងជំងឺឆ្កែឆ្កួត និងមួយទៀត ចំពោះការចាក់ថ្នាំបង្ការ ជំងឺផ្តាសាយ H1N1 ។

ប្រាំពីរនាក់មានប្រវត្តិ នៃការឆក់អាណាហ្វីឡាក់ទិច (anaphylactic)៕

យោធាមីយ៉ាន់ម៉ា ជួលភ្នាក់ងារ PR ដើម្បីពន្យល់ពី ស្ថានភាព ដែលកំពុងកើតមាន នៅក្នុងប្រទេស ទៅកាន់ប្រទេស លោកខាងលិច

បរទេស៖ សារព័ត៌មាន Foreign Lobby បានផ្សាយដោយស្រង់សម្តី រដ្ឋមន្រ្តីការពារជាតិមីយ៉ាន់ម៉ាលោក Mya Tun Ooថា យោធាមីយ៉ាន់ម៉ាបានជួលភ្នាក់ងារ PR ដើម្បីពន្យល់ពីស្ថានភាពដែលកំពុងកើតមាន នៅក្នុងប្រទេសនេះ ទៅកាន់ប្រទេសលោកខាងលិច។

យោងតាមសារព័ត៌មាន Sputnik ចេញផ្សាយកាលពីថ្ងៃទី៧ ខែមីនា ឆ្នាំ២០២១ បានឱ្យដឹងថា លោក Ari Ben-Menashe បាននិយាយថា គាត់ត្រូវបានគេជួលឱ្យជួយកងកម្លាំង ប្រដាប់អាវុធទាក់ទងជាមួយសហរដ្ឋអាមេរិក និងប្រទេសដទៃទៀត ដែលគាត់បាននិយាយថា បានយល់ច្រឡំរបស់យោធា។

លោក Ben-Menashe បាននិយាយថា យោធាអាចបង្ហាញថា ការបោះឆ្នោតកន្លងមកត្រូវបានគេបន្លំ ហើយជនជាតិភាគតិចត្រូវបានរារាំងមិនឱ្យបោះឆ្នោត។ អស់រយៈពេលជាច្រើនខែ គណបក្សសម្ព័ន្ធសាមគ្គីភាព និងអភិវឌ្ឍន៍ ដែលគាំទ្រដោយយោធាបានអះអាងថា មានការលួចបន្លំសន្លឹកឆ្នោត។ ទោះយ៉ាងណាក៏ដោយ គណៈកម្មការរៀបចំការបោះឆ្នោតបានច្រានចោលការចោទប្រកាន់នេះ។ Ben-Menashe ផ្ទាល់ មិនបានផ្តល់ភស្តុតាង នៃការបន្លំអ្នកបោះឆ្នោតទេ។

លោកក៏បានអះអាងផងដែរថា ការធ្វើរដ្ឋប្រហារត្រូវបាន ធ្វើឡើងដោយសារតែយោធាចង់រារាំងរដ្ឋាភិបាល មិនឱ្យខិតទៅជិតប្រទេសចិន៕

កូរ៉េខាងត្បូង យល់ព្រមលើការបង្កើន ក្នុងចំណាយសម្រាប់ កងទ័ពអាមេរិក

បរទេស៖ប្រទេសកូរ៉េខាងត្បូង នៅពេលថ្មីៗនេះ បានយល់ព្រមចំពោះការបង្កើន១៣,៩ភាគរយ ក្នុងចំណែកនៃការចំណាយរក្សាវត្តមានកងទ័ព អាមេរិកចំនួន២៨.៥០០នាក់ សម្រាប់ឆ្នាំ២០២១ ហើយនេះគឺជាការបង្កើន ចំណាយប្រចាំឆ្នាំដ៏ធំបំផុត នៅក្នុងរយៈពេលជិត២ទសវត្ស ក្រោយអាមេរិកស្នើបង្កើនការចំណាយ។

ការបង្កើននេះ នឹងធ្វើឲ្យការចូលរួមរបស់កូរ៉េខាងត្បូងកើនដល់១,០៣ពាន់លានដុល្លារ។ អតីតប្រធានាធិបតីអាមេរិក លោក ដូណាល់ ត្រាំ បានចោទប្រទេសកូរ៉េខាងត្បូង ពីបទជិះសេះលែងដៃ លើអំណាចយោធាអាមេរិក និងបានទាមទារឲ្យកូរ៉េខាងត្បូងបង់ចំណាយដល់ទៅ៥ពាន់លានដុល្លារក្នុងមួយឆ្នាំ។

ប្រធានមន្ត្រីចរចាកូរ៉េខាងត្បូង លោក Jeong Eun-bo បាននិយាយប្រាប់សន្និសីទកាសែតមួយយ៉ាងដូច្នេះថា “កិច្ចព្រមព្រៀងបានដោះស្រាយភាពទទេដ៏យូរបំផុត ដែលបានប្រព្រឹត្តទៅអស់រយៈពេលប្រហែលមួយឆ្នាំនិង៣ខែ”។
យោងតាមសេចក្តីរាយការណ៍មួយ ចេញផ្សាយដោយទីភ្នាក់ងារសារព័ត៌មាន Us News នៅថ្ងៃទី១០ ខែមីនា ឆ្នាំ២០២១ បានឲ្យដឹងថា លោកបានបន្តទៀតយ៉ាងដូច្នេះថា “វាបានផ្តល់ឲ្យនូវឱកាសមួយ ដើម្បីបញ្ជាក់ជាថ្មីនូវភាពសំខាន់នៃសម្ពន្ធភាព និងតម្រូវការឲ្យមានការប្រចាំការដ៏ស្ថិរថេររបស់កងកម្លាំងអាមេរិកនៅកូរ៉”៕

នាយករដ្ឋមន្រ្តីថៃ លោក ប្រាយុទ្ធ ចាន់អូចា បាញ់ស្ពាយទឹក សម្លាប់មេរោគ ទៅលើអ្នកសារព័ត៌មាន នៅពេលសួររឿង រុះរើគណៈរដ្ឋមន្រ្តី

BBC ៖ នាយករដ្ឋមន្រ្តីថៃ លោកប្រាយុទ្ធ ចាន់អូចា បានធ្វើឱ្យក្រុមអ្នកកាសែត ភ្ញាក់ផ្អើល នៅឯសន្និសីទ សារព័ត៌មាន នាពេលថ្មីៗនេះ នៅពេលដែលលោក បានជ្រើសរើស វិធីមិនធម្មតាមួយ ដើម្បីបង្វែរសំណួររបស់ពួកគេ ។

យោងតាមសារព័ត៌មាន BBC ចេញផ្សាយនៅថ្ងៃទី១០ ខែមីនា ឆ្នាំ២០២១ បានឱ្យដឹងថា នៅពេលត្រូវ បានគេសួរអំពីការរុះរើ គណៈរដ្ឋមន្រ្តី លោក ប្រាយុទ្ធ បានរើសដបថ្នាំមួយ (Spray) ហើយចាប់ផ្តើមបាញ់វា ទៅលើអ្នកយកព័ត៌មាន។

ឧត្តមសេនីយ៍កងទ័ព ដែលចូលនិវត្តន៍រូបនេះ បានកាន់អំណាចតាំង ពីរដ្ឋប្រហារយោធាឆ្នាំ ២០១៤ និងមានប្រវត្តិធ្វើសកម្មភាព ចម្រូងចម្រាសនៅក្នុងព្រឹត្តិការណ៍ សារព័ត៌មាននានា ។ កាលពីមុន លោក ប្រាយុទ្ធ ចាន់អូចា បានចាប់យកកាមេរ៉ាថត របស់អ្នកសារ ព័ត៌មាន និងបានបង្ករឿងចម្រូង ចម្រាស់ផ្សេងទៀតផងដែរ អំឡុងពេលមាន ការសាកសួរ ពីអ្នកសារព័ត៌មាន៕

អាមេរិក ដាក់ទណ្ឌកម្មលើសមាជិកគ្រួសារ មេដឹកនាំយោធាមីយ៉ាន់ម៉ា និងក្រុមហ៊ុនមួយចំនួនទៀត

វ៉ាស៊ីនតោន៖ ក្រសួងរតនាគារសហរដ្ឋអាមេរិក នៅថ្ងៃពុធម្សិលមិញនេះ បានប្រកាសដាក់ទណ្ឌកម្មលើកុមារពេញវ័យពីរនាក់ នៃគ្រួសាររបស់មេដឹកនាំយោធាមីយ៉ាន់ម៉ា និងក្រុមហ៊ុនចំនួន ៦ របស់ពួកគេ នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ ។

ក្រសួងរតនាគារបានឲ្យដឹង នៅក្នុងសេចក្តីថ្លែងការណ៍មួយថា ក្មេងពេញវ័យពីរនាក់នៃអគ្គមេបញ្ជាការ សេនាធិការកងទ័ពការពារជាតិ លោកឧត្តមសេនីយ Min Aung Hlaing មានការកាន់កាប់ធុរកិច្ចផ្សេងៗគ្នា ដែលទទួលបានផលប្រយោជន៍ ដោយផ្ទាល់ពីជំហររបស់ឪពុក និងឥទ្ធិពលដ៏សាហាវ” ។

ក្រសួងពាណិជ្ជកម្មសហរដ្ឋអាមេរិក កាលពីសប្តាហ៍មុន បានបន្ថែមក្រសួងការពារជាតិមីយ៉ាន់ម៉ា ក្រសួងមហាផ្ទៃ និងអង្គភាពពាណិជ្ជកម្មចំនួនពីរ ទៅក្នុងបញ្ជីខ្មៅនៃពាណិជ្ជកម្មរបស់ខ្លួន។ ប្រទេសនេះក៏បានប្រកាស ពីវិធានការត្រួតពិនិត្យការនាំចេញ ដែលរឹតត្បិតថែមទៀតប្រឆាំង នឹងប្រទេសមីយ៉ាន់ម៉ាផងដែរ ។

មេដឹកនាំយោធាមីយ៉ាន់ម៉ា ជាច្រើនរូបរួមទាំងលោក Min Aung Hlaing និងអង្គភាពមួយចំនួនទៀត ដែលទាក់ទងនឹងយោធា ឬកងកម្លាំងសន្តិសុខរបស់មីយ៉ាន់ម៉ា ត្រូវបានកំណត់ដោយ សហរដ្ឋអាមេរិកនៅខែកុម្ភៈ ។

ស្ថានភាពអាសន្នរយៈពេលមួយឆ្នាំ ត្រូវបានប្រកាសនៅក្នុងប្រទេសមីយ៉ាន់ម៉ា បន្ទាប់ពីប្រធានាធិបតី និងទីប្រឹក្សារដ្ឋលោកស្រីអ៊ុងសានស៊ូជី រួមជាមួយមន្ត្រីដទៃទៀតមកពី សម្ព័ន្ធភាពជាតិដើម្បីលទ្ធិប្រជាធិបតេយ្យ ត្រូវបានចាប់ខ្លួនដោយ យោធាកាលពីថ្ងៃទី១ ខែកុម្ភៈ។

យោធាបានចោទប្រកាន់ថា មានការលួចបន្លំសន្លឹកឆ្នោតយ៉ាងច្រើន នៅក្នុងការបោះឆ្នោតសកលខែវិច្ឆិកា ឆ្នាំ២០២០ របស់ប្រទេសនេះដែលបានឃើញថា គណបក្ស NLD បានឈ្នះអាសនៈភាគច្រើន នៅក្នុងសភាទាំងពីរ ៕

អ៊ឺរ៉ុបនឹងទទួលបានវ៉ាក់សាំងពី Pfizer ចំនួន៤លានដូសទៀត នៅក្នុងខែនេះ

បរទេស៖ សហភាពអ៊ឺរ៉ុបនៅថ្ងៃពុធនេះ បាននិយាយថា ខ្លួនបានឈានទៅដល់ កិច្ចព្រមព្រៀងមួយទៀតហើយ ដែលនឹងអាចឲ្យក្រុមហ៊ុនផលិតឧិសថ Pfizer ក្នុងការផ្គត់ផ្គង់វ៉ាក់សាំង ប្រមាណជា៤លានដូសនៅក្នុងខែមិនានេះ។

សហភាពអ៊ឺរ៉ុបក៏បានបញ្ជាក់ដែរថា កញ្ចប់វ៉ាក់សាំងថ្មីនេះ ត្រូវបានធ្វើឡើងលើសពីផែនការ នៃការផ្តត់ផ្គង់កន្លងមក ក្នុងគោលបំណងដើម្បីលុបចោលឲ្យបាន នៃភាពតានតឹង នៃការធ្វើដំណើរឆ្លងព្រំដែនព្រមទាំង ក្នុងការប្រយុទ្ធប្រយុទ្ធប្រឆាំងទៅនឹងទីតាំង ដែលមានការផ្ទុះវិរុសកូវីដជាដើមផង។

ប្រធានសហភាពអ៊ឺរ៉ុបលោក Ursula von der Leyen បាននិយាយថា គោលដៅដ៏ធំរបស់យើង ក្នុងការប្រើប្រាស់វានៅពេលនេះ គឺដើម្បីជាពិសេសផ្តោតសំខាន់ ទៅលើការចរាចរណ៍តាមព្រំដែន រវាងប្រទេសក្នុងតំបន់ដែលអាចធានាបាន ឲ្យមានការធ្វើដំណើរដោះដូរទំនិញ និងមនុស្សកាន់តែមមាញឹកឡើងវិញ។

គួរឲ្យដឹងដែរថា តាមរយៈផែនការចាស់ Pfizer បានធ្វើការប្តេជ្ញាចិត្តថា នឹងធ្វើការផ្គត់ផ្គង់ឲ្យបានវ៉ាក់សាំងរបស់ខ្លួន សរុបប្រមាណជា៥០០លានដូស នៅត្រឹមចុងឆ្នាំ២០២១សម្រាប់ប្លុកអ៊ឺរ៉ុប៕

ព្រះអង្គម្ចាស់ វីលៀម បដិសេធគ្រួសារ រាជវង្សអង់គ្លេស មិនប្រកាន់ ពូជសាសន៍ នោះទេ

ឡុងដ៏៖ ទីភ្នាក់ងារព័ត៌មានបារាំង អាអេហ្វប៉េ បានរាយការណ៍ឱ្យដឹងថា ព្រះអង្គម្ចាស់វីលៀម នៅថ្ងៃព្រហស្បតិ៍នេះ បានការពារក្រុមគ្រួសារ រាជវង្សអង់គ្លេស បន្ទាប់ពីប្អូនប្រុស ហារី និងភរិយា Meghan បានចោទប្រកាន់ពួកគេ ពីការរើសអើង ជាតិសាសន៍ នៅក្នុងការសំភាសន៍ដ៏កក្រើកមួយ ដែលត្រូវបានគេមើល នៅជុំវិញពិភពលោក។

ព្រះអង្គម្ចាស់ វីលៀម បានប្រាប់ក្រុមអ្នកយកព័ត៌មាន អំឡុងដំណើរទស្សនកិច្ច ទៅកាន់សាលារៀន ពហុសាសន៍មួយ នៅក្នុងតំបន់ដែលខ្វះខាត នៅភាគខាងកើត ទីក្រុងឡុងដ៏ ថា“ យើងមិនមែន ជាគ្រួសារប្រកាន់ ពូជសាសន៍ទេ” ។

បុត្រារបស់អ្នកស្នងរាជបល្ល័ង្ក ព្រះអង្គម្ចាស់ឆាល រូបនេះ បានបន្ថែមថា ព្រះអង្គ​មិនទាន់និយាយ ជាមួយហារី នៅកាលីហ្វ័រញ៉ា នៅឡើយទេ ចាប់តាំងពីបទសម្ភាសន៍ បានចាក់ផ្សាយលើកដំបូង នៅសហរដ្ឋអាមេរិក កាលពីថ្ងៃអាទិត្យ។

លោកបាននិយាយថា “ទេខ្ញុំមិនទាន់បាននិយាយ ​ជាមួយគាត់​នៅឡើយទេ ប៉ុន្តែខ្ញុំនឹងធ្វើ” ។

សេចក្តីថ្លែងការណ៍ ដែលទន្ទឹងរង់ចាំយ៉ាងខ្លាំង ពីមហាក្សត្រី អេលីហ្សាបែតទី ២ បានចេញផ្សាយកាលពីថ្ងៃអង្គារ គឺការផ្សះផ្សា ឆ្ពោះទៅរកចៅប្រុស និងភរិយារបស់គាត់ ដែលជាពូជសាសន៍ចម្រុះ បន្ទាប់ពីការសម្ភាសរបស់ពួកគេ ជាមួយពិធីការិនីដ៏ល្បី អូស្ការ វីនហ្វ្រី។

ប៉ុន្តែវា ក៏បានសង្កត់ធ្ងន់ផងដែរថា“ ការចងចាំខ្លះៗ អាចខុសគ្នា” នៅពេលដែលវិមាន Buckingham បានប្តេជ្ញាថា នឹងពិនិត្យមើលការអះអាង របស់ប្តីប្រពន្ធមួយនេះ ដែលមានរាជវង្ស មិនស្គាល់អត្តសញ្ញាណ បានសួរថាតើ ស្បែកកូនប្រុសរបស់ Archie របស់ពួកគេ ងងឹតរឺយ៉ាងណា។

ព្រះអង្គម្ចាស់ ឆាល មិនទាន់បានធ្វើអត្ថាធិប្បាយ អំពីភាពចម្រូងចម្រាស​នេះទេ ប៉ុន្តែត្រូវបានថត​ កាលពីថ្ងៃអង្គារ ធ្វើដំណើរទៅ ព្រះវិហារគ្រឹស្តសាសនា នីហ្សេរីយ៉ា នៅទីក្រុងឡុងដ៏ ដែលមានគ្រូគង្វាលជាច្រើន កំពុងជំរុញការចាក់វ៉ាក់សាំង ការពារប្រជាជនស្បែកខ្មៅ បន្ថែមទៀតប្រឆាំង នឹងមេរោគនេះ។

នៅក្នុងបទសម្ភាសន៍ព្រះអង្គម្ចាស់ Harry ក៏បាននិយាយដែរថា ឪពុកនិងបងប្អូន របស់គាត់ត្រូវបាន “ជាប់” នៅក្នុងស្ថាប័នលាក់ខ្លួនមួយ៕

EU រកមិនឃើញភស្តុតាង ដែលអាចបញ្ជាក់ថា AstraZeneca ធ្វើឲ្យមនុស្ស២នាក់ ធ្លាក់ខ្លួនឈឺខ្លាំង ក្រោយចាក់វារួចនោះទេ

ទីក្រុងឡុង៖ភ្នាក់ងារសុខាភិបាល របស់អ៊ឺរ៉ុប នៅថ្ងៃព្រហស្បតិ៍នេះ បានប្រកាសថា ខ្លួនមកដល់ពេលនេះ គឺមិនអាចរកឃើញ ភស្តុតាង បានទេថាវ៉ាក់សាំង AstraZenecaដែលបានធ្វើឲ្យមនុស្ស២នាក់ បានធ្លាក់ខ្លួនឈឺ ក្រោយពេលទទួល
ការចាក៉វ៉ាក់សាំង នៅក្នុងប្រទេសអូទ្រីស ហើយក្នុងនោះមានមនុស្ស បានស្លាប់ នៅក្រោយពេលចាក់ ដូសដំបូងបាន១០ថ្ងៃ។

អជ្ញាធរសុខាភិបាលជាតិ នៃប្រទេសអូទ្រីស បានផ្អាកការប្រើប្រាស់វ៉ាក់សាំងនេះ បណ្តោះអាសន្ន បន្ទាប់ពីមនុស្សម្នាក់ ដែលត្រូវបានចាក់វ៉ាក់សាំង ត្រូវបានគេធ្វើរោគ វិនិច្ឆ័យឃើញថា មានជំងឺសួតធ្ងន់ធ្ងរ ហើយក្រោយមក បានស្លាប់ខណៈដែរ
ម្នាក់ទៀតត្រូវបានបញ្ជូនទៅមន្ទីរពេទ្យ ដោយមានជំងឺសួតដូចគ្នា។

កាលពីថ្ងៃអាទិត្យ ប្រទេសអូទ្រីស បានប្រកាសថា ខ្លួនបានផ្អាកប្រើប្រាស់ កញ្ចប់ដែលខ្លួនបានទទួល ពីវ៉ាក់សាំង AstraZeneca ចំនួន១លានដូស ដែលត្រូវបានយកទៅចែកចាយ នឹងប្រើប្រាស់ ដោយប្រទេសជា សមាជិកទាំង១៧។

គួរឲ្យដឹងដែរថាសហភាពអ៊ឺរ៉ុប បានប្រកាសអនុញ្ញាតិ ឲ្យប្រើប្រាស់វ៉ាក់សាំង របស់ AstraZeneca តាំងតែពីចុងខែមករា មកម្ល៉េះ ដោយអះអាងថា វាមានសុវត្ថិភាព ចំពោះការប្រើប្រាស់ ហើយបន្ទាប់មកនៅក្នុងខែកុម្ភៈ អង្គការសុខភាព ពិភពលោក WHO ក៏បានប្រកាសអនុញ្ញាតិ ឲ្យប្រើប្រាស់វ៉ាក់សាំងនេះ ក្នុងកម្រិតអាសន្ន និងជាបន្ទាន់ផងដែរ៕