បរទេស៖ ការស្លាប់ម្នាក់ទៀត និង រកឃើញអ្នកឆ្លងថ្មីវីរុសកូវីដ-១៩ ចំនួន ៧៨ នាក់ ក្នុងនោះ ៦៧ នាក់ ជាករណីឆ្លងក្នុងសហគមន៍ ត្រូវបានរាយការណ៍នៅថ្ងៃសៅរ៍ ដែលនាំឱ្យមានអ្នកស្លាប់នៅក្នុងប្រទេសថៃ សរុបកើនឡើង ៨៦ នាក់ និងមានអ្នកឆ្លងសរុប ២៦ ៧៥៧នាក់ ។
យោងតាមសារព័ត៌មាន Bangkok Post ចេញផ្សាយនៅថ្ងៃទី១៣ ខែមីនា ឆ្នាំ២០២១ បានឱ្យដឹងដោយយោងតាមមជ្ឈមណ្ឌលគ្រប់គ្រងស្ថានភាពជំងឺកូវីដ១៩ (CCSA)ថា អ្នកជំងឺដែលស្លាប់ គឺជាស្ត្រីមានជំងឺទឹកនោមផ្អែម អាយុ ៥៦ ឆ្នាំ នៅខេត្ត សាមុតសាខន ដែលបានសម្រាកព្យាបាលនៅមន្ទីរពេទ្យជិតមួយខែមកនេះ។
អ្នកស្លាប់ មានអាការៈក្តៅខ្លួន ក្អក និងឈឺសាច់ដុំនៅថ្ងៃទី ១៥ ខែកុម្ភៈ ហើយបានធ្វើតេស្តវិជ្ជមាន ៤ ថ្ងៃក្រោយ។ នៅថ្ងៃទី ២៣ ខែកុម្ភះ ស្រ្តីខាងលើមានការពិបាកដកដង្ហើមហើយត្រូវបានគេដាក់បំពង់ខ្យល់។ រោគសញ្ញាកាន់តែអាក្រក់ទៅ ៗ ហើយគាត់បានស្លាប់នៅថ្ងៃសុក្រ៕
ប្រែសម្រួលៈ ណៃ តុលា
