បរទេស៖ មជ្ឈមណ្ឌលវេជ្ជសាស្ត្របន្ទាន់ បាននិយាយនៅថ្ងៃអាទិត្យនេះ បន្ទាប់ពីប៉ូលីសបានប្រើកាណុងបាញ់ ឧស្ម័នបង្ហូរទឹកភ្នែក និងគ្រាប់កាំភ្លើងជ័រ ដើម្បីបំបែកការជួបជុំនៅយប់ថ្ងៃសៅរ៍ថា ជនស៊ីវិលនិងប៉ូលីសជាង ៣០នាក់ បានរងរបួសនៅក្នុង ការតវ៉ាប្រឆាំងនឹងរដ្ឋាភិបាល។
យោងតាមសារព័ត៌មាន Bangkok Post ចេញផ្សាយនៅថ្ងៃទី២១ ខែមីនា ឆ្នាំ២០២១ បានឱ្យដឹងថា វីដេអូត្រូវបានផ្សព្វផ្សាយលើ បណ្តាញសង្គមបង្ហាញថា ប៉ូលីសវាយនិងសម្រុកទៅលើ ក្រុមមនុស្សជាមួយអ្នកផ្សេងទៀត ដែលរត់គេចពីប៉ូលីសដោយ ប្រើប្រដាប់ប្រដាបង្ក្រាបកុបកម្ម និងអ្នកខ្លះរត់ចោលម៉ូតូ។
មជ្ឈមណ្ឌលវេជ្ជសាស្រ្ត Erawan បាននិយាយថា មន្រ្តីប៉ូលីស ១៣ នាក់និង ២០ នាក់ផ្សេងទៀតបានរងរបួស។ ប៉ូលីសបាននិយាយកាលពីថ្ងៃអាទិត្យថា សកម្មភាពរបស់ពួកគេគឺ ស្របតាមស្តង់ដារអន្តរជាតិ ហើយក្រុមអ្នកតវ៉ា ២០ នាក់ត្រូវបានចាប់ខ្លួនពីបទរំលោភ ច្បាប់ប្រមូលផ្តុំសាធារណៈ និងប្រមាថព្រះមហាក្សត្រ។
សូមជម្រាបថា ក្រុមអ្នកតវ៉ាបានទាមទារឱ្យមាន ការកែទម្រង់រាជាធិបតេយ្យដោយ រំលោភបម្រាមដោយនិយាយថា រដ្ឋធម្មនុញ្ញដែលបានព្រាង ដោយយោធាបន្ទាប់ពីរដ្ឋប្រហារឆ្នាំ២០១៤ បានផ្តល់អំណាចដល់ ព្រះមហាក្សត្រយ៉ាងលើសលប់ ៕
ប្រែសម្រួលៈ ណៃ តុលា
