Covid-19

ញូវយ៉កនឹងចាប់ផ្តើមចាក់វ៉ាក់សាំង ជូនគ្រប់ពលរដ្ឋពេញវ័យរបស់ខ្លួន ពីថ្ងៃទី៦ខែមេសា តទៅ

បរទេស៖ យោងតាមការចេញផ្សាយរបស់ CNA នៅថ្ងៃអង្គារនេះបានឲ្យដឹងថា ចាប់ពីថ្ងៃនេះទៅ ពលរដ្ឋនៅក្នុងរដ្ឋញូវយ៉កទាំងអស់ ដែលមានវ័យចាប់ពី៣០ឆ្នាំឡើង
នឹងអាចមានសិទ្ធិក្នុងការចុះឈ្មោះ ទៅចាក់វ៉ាក់សាំងការពារកូវិដបានហើយ ខណៈពលរដ្ឋដែលមានអាយុ ចាប់ពី១៦ឆ្នាំឡើង នឹងអាចធ្វើដូចគ្នានេះចាប់ពីថ្ងៃទី៦
ខែមេសាខាងមុខ។

សេចក្តីប្រកាស ដែលត្រូវបានធ្វើឡើង ដោយលោកអភិបាលរដ្ឋ Andrew Cuomo កាលពីថ្ងៃចន្ទម្សិលមិញ ហើយត្រូវបានគេមើលឃើញដែរ គឺជារដ្ឋតែមួយគត់ប៉ុណ្ណោះ ដែល
នៅមិនទាន់ធ្វើការប្រកាសពេលវេលា សម្រាប់ចាក់ជូនពលរដ្ឋគ្រប់វ័យរបស់ខ្លួន រហូតមកដល់ពេលនេះ ទើបមានការសម្រេចចិត្តចុងក្រោយ ខណៈដែលកន្លងមកប្រធានាធិបិតី
អាមេរិកធ្លាប់បានបញ្ជាក់ហើយថា ផែនការរបស់អាមេរិក គឺចាក់វ៉ាក់សាំងជូនពលរដ្ឋពេញវ័យរបស់ខ្លួន ឲ្យបានគ្រប់គ្នាចាប់ពីថ្ងៃទី១ ខែឧសភា។

លោក Cuomo បាននិយាយទៀតដែរថា រដ្ឋដែលមានពលរដ្ឋ ច្រើនជាងគេបំផុតនៅអាមេរិកមួយនេះ មកដល់ពេលនេះ គឺបានចុះឈ្មោះ និងចាក់បានពលរដ្ឋរបស់ខ្លួន ប្រមាណជា៩លាន
ដូសមកហើយ ដែលក្នុងនោះពលរដ្ឋរបស់ខ្លួន ប្រមាណជា៣០ភាគរយ នៃចំនួនសរុប គឺបានទទួលវ៉ាក់សាំងដូសដំបូង រួចទៅហើយ៕

ប្រែសម្រួល៖ស៊ុនលី

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top