លោក ពូទីន និងព្រះរាជ្ជទាយាទអារ៉ាប៊ីសាអូឌីត ពិភាក្សាគ្នាពីបញ្ហាបម្រែបម្រួលអាកាសធាតុ​ និងថាមពលបៃតង

បរទេស៖​ប្រធានាធិបតីរុស្ស៊ី លោក វ្លាឌីមៀរ ពូទីន និងព្រះរាជ្ជទាយាទអារ៉ាប៊ីសាអូឌីត ព្រះអង្គម្ចាស់ Mohammed bin Salman នៅថ្ងៃព្រហស្បតិ៍នេះ បានពិភាក្សាគ្នាពីលទ្ធភាព​សម្រាប់ការធ្វើការរួមគ្នា ស្តីពីបញ្ហាបម្រែបម្រួលអាកាសធាតុ ការពារបរិស្ថាននិងថាមពលបៃតង។

វិមានក្រឹមឡាំងបាននិយាយថា នៅក្នុងសន្ទនាគ្នាតាមទូរស័ព្ទនោះ ព្រះរាជ្ជទាយាទអារ៉ាប៊ីសាអូឌីត បានគូសបង្ហាញពីគោលគំនិត​ កាត់បន្ថយការសាយភាយនៃឧស្ម័នផ្ទះកញ្ចក់ និងការបង្កើនការប្រើប្រាស់​ប្រភពថាមពលកកើតថ្មី នៅតំបន់មជ្ឈិមបូព៌ា។

យោងតាមសេចក្តីរាយការណ៍មួយ ចេញផ្សាយដោយទីភ្នាក់ងារសារព័ត៌មាន Us News នៅថ្ងៃទី១ ខែមេសា ឆ្នាំ២០២១ វិមានក្រឹមឡាំងបាននិយាយថា លោក ពូទីន បានមានប្រសាសន៍អំពី​កិច្ចប្រឹងប្រែងរបស់ប្រទេសរុស្ស៊ី ក្នុងកិច្ចការពារបរិស្ថាន។

គួរបញ្ជាក់ថា ប្រទេសអារ៉ាប៊ីសាអូឌីត បានដាក់ចេញគោលដៅដាំដើមឈើចំនួន​ ១០ពាន់លានដើម ក្នុងពេលប៉ុន្មានទសវត្សខាងមុខនេះ ជាផ្នែកមួយនៃយុទ្ធនាការបង្ហាញ ​ដោយព្រះរាជ្ជទាយាទ ព្រះអង្គម្ចាស់ Mohammed bin Salman ដើម្បីកាត់បន្ថយការសាយភាយកាបូន និងប្រយុទ្ធប្រឆាំងការបំពុលបរិស្ថាននិងសំណឹកដី​ ៕

ប្រែសម្រួល៖​ ប៉ាង កុង

Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999