បរទេស៖ យ៉ាងហោចណាស់ មានមនុស្សចំនួន ៤១ នាក់បានស្លាប់ និងរហូតដល់ ២០០ នាក់ នៅតែជាប់ទូររថភ្លើង នៅក្នុងគ្រោះថ្នាក់មួយបន្ទាប់ពីរថភ្លើង ដឹកអ្នកដំណើរជិត ៥០០ នាក់បានបុក ហើយបន្ទាប់មកបានក្រឡាប់ នៅក្នុងផ្លូវរូងក្រោមដី មួយនៅកោះតៃវ៉ាន់។
យោងតាមសារព័ត៌មាន BBC ចេញផ្សាយនៅថ្ងៃទី២ ខែមេសា ឆ្នាំ២០២១ បានឱ្យដឹងថា មនុស្សរាប់សិបនាក់ទៀតបានរងរបួស ហើយខាងក្រុមអ្នកជួយសង្គ្រោះព្យាយាម ចូលទៅក្នុងទូរថភ្លើង ដែលខូចខាតយ៉ាងដំណំ។
រថភ្លើងដែលដឹកទូចំនួន ៨ គ្រឿង ត្រូវបានគេរាយការណ៍ថា បានបុកនឹងរថយន្តបម្រើ ឱ្យការងារសំណង់មួយគ្រឿង ហើយបានរអិលចេញលើផ្លូវដែក នៅមាត់រូងក្រោមដី ។ រថភ្លើងគឺធ្វើដំណើរពីរដ្ឋធានី តៃប៉ិ ទៅតាយទុង បានដឹកអ្នកដំណើរ ដែលធ្វើដំណើរកម្សាន្តសម្រាប់ថ្ងៃ ឈប់សម្រាកប្រចាំឆ្នាំចុងសប្តាហ៍៕
ប្រែសម្រួលៈ ណៃ តុលា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
