Covid-19

ដាណឺម៉ាក បញ្ឈប់ការចាក់វ៉ាក់សាំង Johnson & Johnson

COPENHAGEN៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី០៤ ខែឧសភា ឆ្នាំ២០២១ថា អាជ្ញាធរសុខាភិបាលដាណឺម៉ាក បានសម្រេចចិត្តទម្លាក់ចោលវ៉ាក់សាំង Johnson & Johnson ពីកម្មវិធីចាក់វ៉ាក់សាំងការពារកូរ៉ូណា ជាលក្ខណៈទ្រង់ទ្រាយធំរបស់ខ្លួន ។

លោក Helene Probst អគ្គនាយករងនៃអាជ្ញាធរសុខាភិបាលដាណឺម៉ាក បានលើកឡើងនៅក្នុងសេចក្តីប្រកាសព័ត៌មានមួយថា “ផ្អែកលើស្ថានភាពបច្ចុប្បន្ននៅក្នុងប្រទេសដាណឺម៉ាក អ្វីដែលយើងបាត់បង់នោះគឺ ការខិតខំប្រឹងប្រែងរបស់យើងដើម្បី ទប់ស្កាត់ជំងឺកូវីដ-១៩ ដែលមានករណីកកឈាមនៅពេលដែលយើងចាក់វ៉ាក់សាំង” ។

“ក្នុងចំណោមនៃការឆ្លងរាតត្បាត នេះជាការពិបាកណាស់ក្នុងការសម្រេចចិត្ត ជាពិសេស ចាប់តាំងពីយើងបានបញ្ឈប់ដោយប្រើប្រាស់វ៉ាក់សាំងកូវីដ-១៩ AstraZeneca ” ។

ការសម្រេចចិត្តរបស់អាជ្ញាធរគឺថា “សារប្រយជន៍ទំាងឡាយមិនបានធ្វើឲ្យមានហានីភ័យធ្ងន់ធ្ងរនោះទេ” ការបញ្ជាក់ដូច្នេះបានធ្វើឡើង ក្រោយពីទីភ្នាក់ងារវិជ្ជសាស្ត្រអឺរ៉ុប (EMA) បានដាក់ថា អាចកើតមានដោយកម្រ ដែលមានករណីបង្កឲ្យកកឈាម និងវ៉ាក់សាំងការពារជំងឺកូវីដ-១៩ Johnson & Johnson ។

សេចក្តីសម្រេចនឹងចូលជាធរមានសម្រាប់អ្នកទាំងនោះ ដែលជាក្រុមមានអាយុ២០ដល់៣៩ឆ្នាំ ហើយអ្នកទាំងនោះ ឥឡូវនេះ នឹងត្រូវផ្អាកសម្រាប់រយៈពេល៤សប្តាហ៍ ក្នុងការចាក់វ៉ាក់សាំងរបស់ពួកគេ ។ យោងតាមសេចក្តីប្រកាសបានឲ្យដឹងដូច្នេះ ៕ប្រែសម្រួលដោយ៖ ម៉ៅ បុប្ផាមករា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top