បរទេស៖ ទីភ្នាក់ងារចិនស៊ិនហួ ចេញផ្សាយនៅថ្ងៃចន្ទបានឲ្យដឹងថា ក្រុមគ្រូពេទ្យដែលមានប្រភពមកពីមន្ទីរពេទ្យជាច្រើនកន្លែង បាននាំគ្នាប្រមូលផ្តុំធ្វើបាតុកម្មរយៈពេល ២៤ម៉ោង ចាប់ពីព្រឹកថ្ងៃចន្ទនេះក្រោយរដ្ឋាភិបាល បានប្រកាសដកជំនួយមួយចំនួនចេញ។
សមាគមន៍គ្រូពេទ្យអ៊ីស្រាអ៊ែល IMA បានបញ្ជាក់ថា ក្រុមគ្រូពេទ្យបាននាំគ្នាធ្វើការតវ៉ាប្រឆាំងទៅនឹង ការសម្រេចចិត្តរបស់ក្រសួងហិរញ្ញវត្ថុ ដែលបានធ្វើការដកនិងបញ្ចប់ជំនួយ ជាថ្នាពេទ្យទៅដល់ទីតាំងគ្រូពេទ្យជាង ៦០០កន្លែង ដែលប្រើប្រាស់សម្រាប់ កិច្ចការងារប្រយុទ្ធប្រឆាំងកូវីដ។
លោក Zion Hagay ប្រធាន IMA បាននិយាយថា សកម្មភាពនិងការសម្រេចចិត្ត របស់ក្រសួងហិរញ្ញវត្ថុធ្វើឡើង ដោយភាគីតែម្ខាងប៉ុណ្ណោះ ហើយនេះក៏ដោយសារតែកង្វះខាត រដ្ឋាភិបាលអចិន្ត្រៃយ៍របស់អ៊ីស្រាអ៊ែល ។
ជាការឆ្លើយតបក្រសួងបានបញ្ជាក់ហើយថា ក្នុងពេលដែលស្ថានភាពកូវីដ ស្ទើរតែបានរលត់បាត់ទៅហើយនោះ ទីតាំងជាច្រើនត្រូវបានបិទ និងផ្តល់អ្វីដែលគួរផ្តល់រួច ទៅហើយដែរថា ហើយតាមគោលការណ៍ច្បាប់ទីតាំង ទាំងនោះមិនត្រូវទទួលបានថវិកា ឬជំនួយអ្វីដែលពាក់ព័ន្ធទៀតនោះទេ ៕
ប្រែសម្រួល៖ ស៊ុន លី
