បរទេស៖ អ្នកកាសែត AFP បាននិយាយថា ការវាយប្រហារតាមអាកាស របស់អ៊ីស្រាអែលនៅថ្ងៃសៅរ៍ បានកម្ទេចអគារកម្ពស់ ១៣ ជាន់ ដែលមានទីស្នាក់ការរបស់ទូរទស្សន៍ Al Jazeera និងទីភ្នាក់ងារព័ត៌មានអាមេរិក Associated Press នៅតំបន់ ហ្កាហ្សាស្ទ្រីប។
យោងតាមសារព័ត៌មាន Philstar ចេញផ្សាយនៅថ្ងៃទី១៥ ខែឧសភា ឆ្នាំ២០២១ បានឱ្យដឹងថា ទូរទស្សន៍ Al Jazeera និង ភ្នាក់ងាររបស់ AP បាននិយាយថា « អ៊ីស្រាអែលបានបំផ្លាញអគារ Jala Tower នៅក្នុងតំបន់ហ្គាហ្សាស្ទ្រីប ដែលមានស្នាក់ការទូរទស្សន៍ Al Jazeera និងការិយាល័យសារព័ត៌មានអន្តរជាតិដទៃទៀត» ។
ទូរទស្សន៍ Al Jazeera បានបង្ហាញអគារដែលដួលរលំដល់ដី បន្ទាប់ពីការវាយប្រហារតាមអាកាសរបស់ អ៊ីស្រាអែល ដោយបញ្ចោញពពកផ្សិតធូលី និងកំទេចកំទីយ៉ាងច្រើន៕
ប្រែសម្រួលៈ ណៃ តុលា
