អ.ស.ប៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី២០ ខែឧសភា ឆ្នាំ២០២១ថា អង្គការសហប្រជាជាតិ (អ.ស.ប) បានរាប់ចំនួនអ្នកស្លាប់ និងរបួសដោយសារផ្ទុះសង្គ្រាម នៅតំបន់ហ្គាហ្សា វេសប៊ែង និងអ៊ីស្រាអ៊ែល កាលពីថ្ងៃពុធ បានបង្ហាញថា មនុស្ស២៥៦នាក់បានស្លាប់ ក្នុងនោះមានកុមារ ៦៩នាក់និង ទាហានអ៊ីស្រាអ៊ែលម្នាក់ និងរាប់ពាន់នាក់ទៀតរងរបួស ។
ការិយាល័យអង្គការ សហប្រជាជាតិ សម្រាប់សម្របសម្រួលកិច្ច ការមនុស្សធម៌ ហៅកាត់ (OCHA) បានឲ្យដឹងថា ប្រជាជនប៉ាឡេស្ទីន ចំនួន២១៩នាក់ ក្នុងនោះមានកុមារចំនួន៦៣នាក់ ត្រូវបានសម្លាប់ នៅតំបន់ហ្គាហ្សា នៅតំបន់វេសប៊ែង់ ការស្លាប់របស់ជនជាតិប៉ាឡេស្ទីន ចំនួន២៥នាក់ ត្រូវបានរាប់បញ្ចូលទាំងកុមារ០៤នាក់ ។
ប្រភពពីអ៊ីស្រាអ៊ែល បានរាយការណ៍ថា មនុស្ស១២នាក់បានស្លាប់ ក្នុងនោះមានកុមារ០២នាក់ និងទាហានម្នាក់ ។ មនុស្សរាប់ពាន់នាក់ បានរងរបួស ភាគច្រើន នៅតំបន់វេសប៊ែង និងនៅតំបន់ហ្គាហ្សា ។
ផ្ទុះសង្គ្រាម បានធ្វើឲ្យបិទទ្វារមន្ទីរពេទ្យ ចំនួន០៦កន្លែង និងមណ្ឌលសុខភាព បឋមចំនួន០៩កន្លែង នៅតំបន់ហ្គាហ្សា ៕
ប្រែសម្រួលដោយ៖ ម៉ៅ បុប្ផាមករា
