តេអេរ៉ង់៖ រដ្ឋមន្ត្រីការបរទេស អ៊ីរ៉ង់ លោក Javad Zarif កាលពីថ្ងៃព្រហស្បតិ៍បានសម្តែងនូវ ការស្រងាកចិត្តយ៉ាងខ្លាំង ចំពោះការព្យួរសិទ្ធិ បោះឆ្នោតរបស់អ៊ីរ៉ង់ នៅក្នុងមហាសន្និបាត អង្គការសហប្រជាជាតិ (UNGA) ដោយនិយាយថាការដាក់ទណ្ឌកម្ម របស់សហរដ្ឋអាមេរិក គឺជាការស្តីបន្ទោស ចំពោះអសមត្ថភាព របស់ប្រទេស របស់លោកក្នុងការបង់ពន្ធ។
អគ្គលេខាធិការ អង្គការសហប្រជាជាតិ លោក Antonio Guterres បានឲ្យដឹងនៅក្នុងលិខិតមួយ ផ្ញើទៅកាន់ លោកប្រធានាធិបតី Volkan Bozkir ផ្សព្វផ្សាយនៅថ្ងៃពុធកន្លងទៅនេះ ថាប្រទេសអ៊ីរ៉ង់ និងសាធារណរដ្ឋអាហ្វ្រិកកណ្តាល នឹងបាត់បង់សិទ្ធិបោះឆ្នោត នៅក្នុងអង្គការសហប្រជាជាតិ។
លោក Zarif បានសរសេរ ក្នុងបណ្ដាញសង្គម Twitter ឲ្យដឹងថា“ នៅក្នុងពិភពខ្មៅ គឺស” អង្គការសហប្រជាជាតិ បានដកសិទ្ធិរបស់អ៊ីរ៉ង់ ពីសិទ្ធិបោះឆ្នោតរបស់ខ្លួននៅក្នុងអង្គការសហប្រជាជាតិ ខណៈដែលយើងកំពុងជាប់ពន្ធនាគារ” ដោយលើកឡើងថា សេចក្តីសម្រេចចិត្តនេះ មានលក្ខណៈមិនត្រឹមត្រូវជាមូលដ្ឋាន មិនអាចទទួលយកបាន និងមិនសមហេតុផលទាំងស្រុង” ។
យោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួបានឲ្យដឹងថា អ្នកការទូតកំពូលអ៊ីរ៉ង់រូបនេះបានអះអាងថា អសមត្ថភាពរបស់អ៊ីរ៉ង់ ក្នុងការបំពេញកាតព្វកិច្ចហិរញ្ញវត្ថុរបស់ខ្លួន ចំពោះអង្គការសហប្រជាជាតិ។
លោកបានកត់សម្គាល់ថា ចាប់តាំងពីអតីតប្រធានាធិបតីអាមេរិកលោក ដូណាល់ ត្រាំ បានដកប្រទេសរបស់លោកចេញពីកិច្ចព្រមព្រៀងនុយក្លេអ៊ែរឆ្នាំ២០១៥ និងបានដាក់ទណ្ឌកម្មជាឯកតោភាគីលើអ៊ីរ៉ង់“ ប្រជាជនអ៊ីរ៉ង់ បានស្ថិតនៅក្រោមសង្គ្រាមសេដ្ឋកិច្ច ដែលមិនធ្លាប់មានពីមុនមក ហើយវាពិតជាភេរវកម្មសេដ្ឋកិច្ច”៕
ដោយ ឈូក បូរ៉ា
