វ៉ាស៊ីនតោន ៖ មេដឹកនាំនៃក្រុមប្រទេសឧស្សាហកម្មទាំង ៧ (G-7) នឹងប្រមូលផ្តុំគ្នា នៅក្នុងប្រទេសអង់គ្លេស នៅថ្ងៃសុក្រនេះ ដើម្បីចាប់ផ្តើមការប្រជុំ ដោយផ្ទាល់លើកដំបូង របស់ពួកគេក្នុងរយៈពេលជិត ២ ឆ្នាំ ដោយស្វែងរកការបង្ហាញ នូវសាមគ្គីភាព របស់ពួកគេ ដើម្បីប្រឆាំងនឹងការកើនឡើង ឥទ្ធិពល នៃប្រទេសចិន និងដោះស្រាយនូវបញ្ហា ប្រឈមនានា ដូចជាការរាតត្បាតកូវិដ-១៩ជាដើម ។
ទីប្រឹក្សាសន្តិសុខអាមេរិកលោក Jake Sullivan បានប្រាប់សន្និសីទសារព័ត៌មាន បានលើកឡើងថា “ក្នុងអំឡុងពេលនៃកិច្ចពិភាក្សារយៈពេល ៣ ថ្ងៃនេះ សមាជិកទាំងអស់ នឹងបង្ហាញ គំនិតផ្តួចផ្តើមថ្មីមួយ ក្នុងការផ្តល់ ហិរញ្ញប្បទាន សម្រាប់ហេដ្ឋារចនាសម្ព័ន្ធ នៅក្នុងប្រទេស កំពុងអភិវឌ្ឍ ជាជម្រើសមួយ សម្រាប់គម្រោង“ ខ្សែក្រវាត់ និងផ្លូវ” របស់ទីក្រុងប៉េកាំង ខណៈពេលដែលកំពុងរៀបចំផែនការ ឆ្ពោះទៅរកការបញ្ចប់ជំងឺរាតត្បាត កូវីដ-១៩” ។
សម្រាប់នាយករដ្ឋមន្រ្តីជប៉ុនលោក Yoshihide Suga និងប្រធានាធិបតីអាមេរិកលោក ចូ បៃដិន ការជួបជុំគ្នានៅរមណីយដ្ឋានមាត់សមុទ្រនៃឆ្នេរសមុទ្រ Carbis Bay, Cornwall នឹងក្លាយជាកិច្ចប្រជុំកំពូល G-7 ដំបូងបង្អស់ ដែលពួកគេនឹងចូលរួមតាំង ពីរូបលោកចូលកាន់ តំណែងក្នុងខែកញ្ញា និងខែមករារៀងៗខ្លួន។
សហរដ្ឋអាមេរិក បានធ្វើជាប្រធានាធិបតីវិលជុំកាលពីឆ្នាំមុន ប៉ុន្តែលោកដូណាល់ ត្រាំ ដែលជាអ្នកកាន់តំណែងមុន លោកដូណាល់ត្រាំបានហៅក្របខ័ណ្ឌ G-7 ដែលមានអាយុកាល ជាង ៤ ទសវត្សរ៍មានលក្ខណៈហួសសម័យ ហើយបានបរាជ័យ ក្នុងការ ធ្វើជាម្ចាស់ផ្ទះកិច្ចប្រជុំកំពូល ដោយផ្ទាល់នៅពេលមានការរាតត្បាត និងការបោះឆ្នោតប្រធានាធិបតី ។
ជាមួយនឹងការប្តេជ្ញាចិត្ត របស់លោក បៃដិន ដើម្បីស្តារ សម្ព័ន្ធភាព និងពហុភាគីនិយម វាក៏ទំនងជាមានអារម្មណ៍ឯកភាព ក្នុងចំណោមមេដឹកនាំផងដែរ បើប្រៀបធៀបជាមួយការប្រមូលផ្តុំ ដែលបានធ្វើឡើង ក្នុងអំឡុង ពេលប្រធានាធិបតីលោកត្រាំ នៅពេលដែលលោកឈរ នៅដាច់ដោយឡែកពីគ្នាលើ បញ្ហាពាណិជ្ជកម្ម និងបញ្ហាផ្សេងទៀត ដោយផ្អែកលើគោល នយោបាយ “អាមេរិកដំបូង” របស់លោក ។
លោក Sullivan បានលើកឡើងថា គោលបំណងសំខាន់នៃដំណើរទស្សនកិច្ចរបស់លោក បៃដិន ទៅកាន់ប្រទេសអង់គ្លេស និងផ្នែកផ្សេងទៀតនៃទ្វីបអឺរ៉ុប ដែលនឹងក្លាយជាការធ្វើដំណើរទៅបរទេសលើកដំបូង របស់តំណែងប្រធានាធិបតី របស់លោក គឺដើម្បី“ ប្រមូលផ្ដុំលទ្ធិប្រជាធិបតេយ្យ របស់ពិភពលោក ដើម្បីដោះស្រាយបញ្ហាប្រឈមដ៏ធំធេង នៃពេលវេលារបស់យើង” ៕
ដោយ ឈូក បូរ៉ា
