បរទេស៖ បញ្ជាការដ្ឋានប្រព័ន្ធអាកាស របស់កងទ័ពជើងទឹក អាមេរិកនិងប៊ូអ៊ីង បានប្រកាស កាលពីថ្ងៃច័ន្ទថា គំរូដើម T-1 នៃយន្តហោះ MQ-25A Stingray របស់កងទ័ពជើងទឹកអាមេរិក បានទទួលជោគជ័យ លើការចាក់សាំង នៅពាក់កណ្តាលអាកាសដំបូង របស់យន្តហោះចម្បាំង តាមរយៈយន្តហោះ គ្មានមនុស្សបើក។
![](https://dap-news.com/wp-content/uploads/2021/06/414-1024x576.jpg)
យោងតាមសារព័ត៌មាន Sputnik ចេញផ្សាយនៅថ្ងៃទី៨ ខែមិថុនា ឆ្នាំ២០២១ បានឱ្យដឹងថា ការធ្វើតេស្តប្រភេទដំបូង បានធ្វើឡើង នៅអាកាសយានដ្ឋាន MidAmerica ក្នុងទីក្រុង Mascoutah រដ្ឋ Illinois កាលពីសប្តាហ៍មុន។
វីដេអូដែលបានផ្សព្វផ្សាយ នៅសប្តាហ៍នេះ បង្ហាញពីយន្តហោះចម្បាំងគំរូ យន្តហោះគ្មានមនុស្សបើក ដែលបានចាក់សាំងបន្ថែម នៅកណ្តាលអាកាស ដល់យន្តហោះចម្បាំង F / A-18 Super Hornet ។
Stingray ត្រូវបានគេមើលឃើញ ពង្រីកបំពង់និងឌុយរបស់ខ្លួន ដើម្បីបញ្ជូនប្រេង ទៅឱ្យយន្តហោះចម្បាំង។ ការធ្វើសមយុទ្ធនេះ តម្រូវឱ្យមានចម្ងាយ ២០ ហ្វីត (៦,១ ម៉ែត្រ) ដាច់ដោយឡែកពីគ្នា រវាងយន្តហោះ គ្មានមនុស្សបើក និង យន្តហោះ Super Hornet ៕
ប្រែសម្រួលៈ ណៃ តុលា
![](https://dap-news.com/wp-content/uploads/2020/08/1-1.png)