បរទេស ៖ ទីភ្នាក់ងារចិនស៊ិនហួ ចេញផ្សាយនៅថ្ងៃសុក្រនេះ បានឲ្យដឹងថា រថភ្លើងសាធារណៈធនស្រាល និងដើរដោយថាមពលអគ្គិសនី ជាលើកដំបូង នៃទីក្រុង Tel Aviv របស់ប្រទេស អ៊ីស្រាអ៊ែល ត្រូវបានដាក់ឲ្យដំណើរ ការជាផ្លូវការហើយ។
ក្រុមហ៊ុនរដ្ឋ របស់អ៊ីស្រាអ៊ែល ដែលមានឈ្មោះថា NTA ដែលជាអ្នកាន់កាប់ គម្រោង បានបញ្ជាក់ឲ្យដឹងដែរថារថភ្លើងធន់ស្រាល ដើរដោយថាមពលអគ្គិសនីនេះ គឺ ជាផលិតផល ដែលផលិតឡើង ដោយក្រុមហ៊ុនចិន ដែលមានឈ្មោះថា CRRC Changchun Railway Vehicles Co.,ដែលជាអ្នកជោគជ័យ ក្នុងការដេញថ្លៃគម្រោងនេះ ពីរដ្ឋាភិបាល អ៊ីស្រាអ៊ែល។
កាលពីខែមេសាឆ្នាំ២០១៩ កន្លងមក CRRC បានធ្វើតេស្តម៉ូដេលនេះរួចម្តង ហើយ នៅក្នុងប្រទេសចិននៅខេត្ត Changchun ហើយទូរថភ្លើង របស់វាបានធ្វើដំណើរ មកដល់ប្រទេស អ៊ីស្រាអ៊ែល ជាលើកដំបូងតាំងតែពីខែវិច្ឆិកា ឆ្នាំដដែលនោះម្ល៉េះ។
ការធ្វើតេស្តលើក ដំបូង ដែលនឹងធ្វើឡើង នៅលើកំណាត់ផ្លូវ ដែលមានប្រវែង ប្រមាណជា២៤គីឡូម៉ែត្រ និង១១គីឡូម៉ែត្រ នៅក្នុងរូងភ្នំនឹងអាចដំណើរ ការជាផ្លូវការ នៅក្រោយចប់ការធ្វើតេស្ត លើកនេះនាខែវិច្ឆិកា ឆ្នាំ២០២២ខាងមុខ៕
ប្រែសម្រួល៖ស៊ុនលី
