រ៉ង់ហ្គូន៖ ក្រសួងសុខាភិបាលម៉ាឡេស៊ី បានឲ្យដឹងថា ប្រទេសម៉ាឡេស៊ីបានរាយការណ៍ថា មានការឆ្លងថ្មីនៃការឆ្លងមេរោគកូវីដ-១៩ ចំនួន ៥,៣០៤ ករណីផ្សេងទៀត ដែលនាំចំនួនអ្នកឆ្លងសរុបកើនឡើងដល់ ៦៥៧,៥០៨នាក់ ។
រដ្ឋមន្រ្តីក្រសួងសុខាភិបាលលោក Noor Hisham Abdullah បានឲ្យដឹងនៅក្នុងសេចក្តីប្រកាសព័ត៌មានថា ៥ ករណីថ្មីត្រូវបាននាំចូលហើយ ៥,២៩៩ករណី គឺជាការចម្លងតាមមូលដ្ឋាន។
សេចក្តីរាយការណ៍បន្តទៀតថា មានអ្នកស្លាប់ថ្មីចំនួន ៦៤ នាក់ផ្សេងទៀត ដែលធ្វើឱ្យចំនួនអ្នកស្លាប់សរុប របស់ប្រទេសម៉ាឡេស៊ីកើនឡើងដល់ ៣,៩០៨ នាក់។
អ្នកជំងឺប្រមាណ ៨,១៦៣ នាក់ត្រូវបានអនុញ្ញាតឲ្យចាកចេញពីមន្ទីរពេទ្យ បន្ទាប់ពីបានជាសះស្បើយ ដែលធ្វើឱ្យចំនួនសរុបនៃការជាសះស្បើយ និងរំសាយចេញមានចំនួន ៥៨០,២៧៦ នាក់ ឬស្មើនឹង ៨៨,៣ ភាគរយនៃករណីទាំងអស់។
ក្នុងចំណោមករណីសកម្មចំនួន ៧៣,៣២៤ ករណី ដែលនៅសេសសល់ ៩១៧ករណី កំពុងត្រូវបានឃុំឃាំងនៅក្នុងបន្ទប់ថែទាំ ដែលពឹងផ្អែកខ្លាំង ហើយ ៤៥២ករណី ដែលត្រូវបំពាក់អុកស៊ីសែន ដើម្បីជំនួយការដកដង្ហើម ៕
ដោយ ឈូក បូរ៉ា
